19.12.2025 | 23:33
ԱՄՆ-ի, Ռուսաստանի և Ուկրաինայի բանակցությունների նոր փուլը տեղի կունենա ԱՄՆ-ում առաջիկա օրերին
Պետության շահերի տեսանկյունից ճիշտ չէ նոր քաղաքական մենաշնորհի ձևավորումը. Ռոբերտ Քոչարյանի հարցազրույցը «ՌԻԱ Նովոստիին»
Քաղաքականություն
17.10.2018 | 11:20
Արտահերթ խորհրդարանական ընտրությունների անցկացումը կարող է հանգեցնել Հայաստանում քաղաքական մենաշնորհի հաստատման:
«ՌԻԱ Նովոստիին» տված հարցազրույցում նման կարծիք է հայտնել ՀՀ երկրորդ նախագահ Ռոբերտ Քոչարյանը: «Մարտավարական առումով հասկանալի է նման պահվածքը. հաջողության հասնել հիմա, այսպես ասած, ժողովրդականության գագաթնակետին: Ռազմավարական առումով ես խնդիրներ եմ տեսնում. այսինքն՝ որպես քաղաքական գործիչ դու հաջողության ես հասնում, իսկ որպես պետական գործիչ՝ դեռ հարկավոր է մտածել, արդյո՞ք արժեր դա հիմա անել»,- ասել է Քոչարյանը:
Նա կասկած է հայտնել, որ, իր բնորոշմամբ, էյֆորիայի պայմաններում կհաջողվի իսկապես արժանի խորհրդարան ընտրել: «Չեմ կարծում, որ պետության շահերի տեսանկյունից ճիշտ է նոր քաղաքական մենաշնորհի ձևավորումը»,- նշել է նախկին նախագահը:
Հիշեցնենք, որ հոկտեմբերի 16-ի երեկոյան Նիկոլ Փաշինյանը հրաժարական տվեց վարչապետի պաշտոնից ու ներկայացրեց արտահերթ ընտրություններին ընդառաջ սպասվելիք քայլերը․ Ազգային ժողովը երկու շաբաթվա ընթացքում երկու անգամ վարչապետ չընտրելով արձակվելու է, և հանրապետության նախագահի կողմից նշանակվելու են խորհրդարանական արտահերթ ընտրություններ։
