19.02.2026 | 23:55
Եպիսկոպոսաց հավաքը հանդես է եկել հայտարարությամբ
Դոնալդ Թրամփը կարող է Ուկրաինային նոր ֆինանսավորում հատկացնել
Քաղաքականություն
13.07.2025 | 14:45
ԱՄՆ նախագահ Դոնալդ Թրամփը քննարկում է Ուկրաինային նոր ֆինանսավորում տրամադրելու հնարավորությունը։ Խոսքը կարող է գնալ առնվազն մի քանի միլիարդ դոլարի մասին, հայտնում է ամերիկյան CBS News-ն՝ հղում անելով դիվանագիտական աղբյուրներին։ Նշվում է, որ նոր ֆինանսավորումը կարող է ծառայել որպես ազդակ Ռուսաստանի համար, որը վերջին օրերին հարվածներ է հասցրել Ուկրաինային անօդաչու սարքերով և հրթիռներով։
Նոր ֆինանսավորման աղբյուրը դեռ հստակ չէ, սակայն ամերիկյան պաշտոնյաների տվյալներով՝ Թրամփի տրամադրության տակ առկա է 3,85 միլիարդ դոլար, որոնք մնացել են Ջո Բայդենի պաշտոնավարման ժամանակներից և կարող են օգտագործվել Ուկրաինային ամերիկյան ռազմական տեխնիկա փոխանցելու համար։
Բացի այդ, Դոնալդ Թրամփը կարող է բռնագրավել մոտ 5 միլիարդ դոլարի ռուսական սառեցված ակտիվներ արտասահմանից և փոխանցել դրանք Ուկրաինային։ Այս հնարավորությունից դեռևս չեն օգտվել ոչ նա, ոչ էլ նախկին նախագահ Ջո Բայդենը։
Հիշեցնենք՝ հուլիսի սկզբին ԱՄՆ-ը դադարեցրել էր Ուկրաինային որոշ տեսակի զինատեսակների մատակարարումը՝ սեփական զինապաշարները գնահատելու նպատակով։ Պենտագոնի ղեկավարը՝ Փիթ Հեգսեթը, այս որոշումը կայացրել էր Սպիտակ տան հետ չհամաձայնեցված։ Շուտով դրանից հետո Թրամփը հայտարարել է Կիևին պաշտպանական զինտեխնիկա մատակարարելու ծրագրերի մասին։ Հուլիսի 10-ին NBC պորտալին տված հարցազրույցում ԱՄՆ նախագահը նշել էր, որ «ծայրահեղ հիասթափված է» Ռուսաստանից և պատրաստվում է հուլիսի 14-ին այդ թեմայով կարևոր հայտարարությամբ հանդես գալ։
