Ուկրաինայի վերականգնման 4-րդ միջազգային համաժողովի մասնակիցները պարտավորվել են Կիևին հատկացնել ավելի քան 10 միլիարդ եվրո օգնություն

Լուրեր

22.11.2026 | 20:00
Շինաղբի սարեր Հայաստանի ձորերում․ կառուցապատման բումի անտեսված ՇԵՐՏԵՐԸ. ՏԵՍԱՆՅՈւԹ
22.11.2026 | 19:25
COP31-ի մասնակիցներին չի հաջողվել համաձայնեցնել եզրափակիչ հայտարարությունը․ համաժողովն ավարտվել է սկանդալով
22.11.2026 | 18:54
«Պալաչ» մականունով հայտնի Արթուր Հարությունյանը ԿԸՀ դատարկ հայտարարագիր է ներկայացրել
22.11.2026 | 18:31
Երևանի Մալաթիա-Սեբաստիա վարչական շրջանի մի շարք հասցեներում ջրանջատում կլինի
22.11.2026 | 18:13
Ֆրանսիայում տասնյակ հազարավոր մարդիկ կրկին դուրս են եկել բողոքի ցույցերի
22.11.2026 | 17:52
Հայաստանի մի շարք շրջաններում ձյուն և ձնախառն անձրև է տեղում
22.11.2026 | 17:32
Պաշտպանության փոխնախարար Կարեն Բրուտյանն այցելել է զորամասեր և ամրացված շրջաններ
22.11.2026 | 17:11
Դատարանը մերժել է Վալերիյ Օսիպյանից պետության նվիրած բնակարանը բռնագանձելու՝ Դատախազության պահանջը
22.11.2026 | 16:34
Ռազմական ոստիկանությունը կուժեղացնի պայքարը քրեական ենթամշակույթի և արատավոր բարքերի դեմ
22.11.2026 | 15:59
Արմավիրի մարզի մի շարք բնակավայրերում փորձարկվելու են էլեկտրական շչակներ․ ՓԾ
22.11.2026 | 15:13
Նոյեմբերի 22-ին Դավթաշենի 4-րդ թաղամասում ջուր չի լինի
22.11.2026 | 14:50
Կրասնոդարի երկրամասում ուկրաինական անօդաչուների հարձակման հետևանքով 5 մարդ է տուժել․ հնարավոր է՝ թիրախավորվել է Ռոսգվարդիայի շենքը
22.11.2026 | 14:29
Նոյեմբերի 22-ին Գորիսի մի շարք հասցեներում ջուր չի լինի
22.11.2026 | 14:13
Հայաստանում օդի ջերմաստիճանը կնվազի 8-10 աստիճանով․ սպասվում են անձրև և ուժեղ քամի
22.11.2026 | 13:32
Ուժեղ քամին վնասել է տանիքներ և արևային վահանակներ․ ահազանգեր՝ երկու մարզից
Բոլորը

Հռոմում հուլիսի 10-11-ը  անցկացվող Ուկրաինայի հետպատերազմյան վերականգնման 4-րդ միջազգային համաժողովի մասնակիցները պարտավորվել են Կիևին օգնելու համար հատկացնել ավելի քան 10 միլիարդ եվրո։ Այս մասին հայտարարել է Իտալիայի վարչապետ Ջորջիա Մելոնին, գրում է DW-ի ռուսական ծառայությունը։

«Կարծում եմ՝ մենք պետք է հպարտանանք այսօր միասին ձեռք բերված արդյունքով՝ երկրներ, միջազգային կազմակերպություններ, ֆինանսական հաստատություններ, տեղական ինքնակառավարման մարմիններ, բիզնես հատված և քաղաքացիական հասարակություն։ Այսօրվա համաժողովում մենք միասին ստանձնել ենք ավելի քան 10 միլիարդ եվրոյի պարտավորություններ»,- ասել է նա։

Մելոնին կտրուկ քննադատության է ենթարկել ռուս զինվորների կողմից ուկրաինական եկեղեցիների և թանգարանների ոչնչացումը։ Այս մշակութային արժեքները եվրոպական ընդհանուր ժառանգության մաս են կազմում և կվերականգնվեն, խոստացել է Իտալիայի վարչապետը։

Իր հերթին, Եվրահանձնաժողովի նախագահ Ուրսուլա ֆոն դեր Լեյենը, որը հուլիսի 10-ին վստահության քվե է ստացել Եվրախորհրդարանից, նույնպես խոստացել է համապարփակ ֆինանսական օգնություն Ուկրաինային։ Նա հավելել է, որ Ուկրաինայի պաշտպանական արդյունաբերությունը գործում է իր ներուժի միայն 60 տոկոսով՝ վստահություն հայտնելով, որ եվրոպական ընկերությունները կարող են օգնել նրան կապիտալով։ Ֆոն դեր Լեյենը հայտարարել է Ուկրաինայի վերականգնման համար նոր եվրոպական հիմնադրամի ստեղծման մասին, որը պետք է ներգրավի մասնավոր միջոցներ, փոխանցում է Reuters-ը։

Հռոմում համաժողովին մասնակցող Ուկրաինայի նախագահ Վլադիմիր Զելենսկին, իր հերթին, կոչ է արել արևմտյան երկրներին համագործակցել անօդաչու թռչող սարքերի մշակման և արտադրության գործում:

«Դա կօգնի պահպանել առաջնագիծը և հարձակվել ռուսական ռազմական օբյեկտների վրա»,- ասել է նա։

Զելենսկին կրկին կոչ է արել օգտագործել սառեցված ռուսական պետական ​​ակտիվները Ուկրաինայի վերականգնման համար: Նա հավելել է, որ Կիևին անհրաժեշտ է միջազգային օգնություն՝ առաջիկա ձմռանը էներգամատակարարումն ապահովելու և հակաօդային պաշտպանության համար։

Հռոմում անցկացվող համաժողովին ներկայացված է ավելի քան 20 կառավարություն և ավելի քան 100 ընկերություն։ Մեկ օր առաջ էլ Իտալիայի մայրաքաղաքում տեղի է ունեցել Խարկովի և Նիկոլաևի վերածննդի նախագծերի քննարկում UN4UkrainianCities («ՄԱԿ-ը ուկրաինական քաղաքների համար») նախաձեռնության շրջանակում՝ համաշխարհային կազմակերպության Եվրոպայի տնտեսական հանձնաժողովի հովանու ներքո։ Ֆորումին մասնակցել են Խարկովի քաղաքապետ Իգոր Տերեխովը և Նիկոլաևի քաղաքապետ Ալեքսանդր Սենկևիչը, ինչպես նաև միջազգային տարբեր  կառույցների ներկայացուցիչներ։

Թարգմանությունը՝ Էմմա Չոբանյանի