06.10.2026 | 11:31
Արի, տեսնեմ՝ ինչ ես ասում․ ԱԺ դահլիճում իրավիճակը դարձյալ լարվեց․ ՏԵՍԱՆՅՈՒԹ
Ալիևը աշխատանքային այցով ժամանել է ԱՄԷ՝ Փաշինյանի հետ բանակցությունների
Քաղաքականություն
09.07.2025 | 15:55
Ադրբեջանի նախագահ Իլհամ Ալիևը աշխատանքային այցով ժամանել է Արաբական Միացյալ Էմիրություններ։
Ալիևին դիմավորել են Արաբական Միացյալ Էմիրությունների փոխնախագահ, փոխվարչապետ, Նախագահական խորհրդի նախագահ Շեյխ Մանսուր բին Զայեդ Ալ Նահյանը և այլ պաշտոնատար անձինք։ Ինչպես հաղորդում են ադրբեջանական լրատվամիջոցները, Աբու Դաբիի միջազգային օդանավակայանում նրա պատվին պատվո պահակախումբ է շարվել։
Հիշեցնենք, որ Աբու Դաբիում սպասվում է Հայաստանի ու Ադրբեջանի ղեկավարների հանդիպումը։
ՀՀ վարչապետի աշխատակազմից ավելի վաղ հայտնել էին, որ վարչապետ Նիկոլ Փաշինյանը հուլիսի 9-ին աշխատանքային այցով մեկնում է Արաբական Միացյալ Էմիրություններ։ Այսօր Աբու Դաբիում նախատեսված է Նիկոլ Փաշինյանի հանդիպումը ԱՄԷ նախագահ Շեյխ Մուհամմադ բին Զայեդ Ալ Նահյանի հետ։
«Հուլիսի 10-ին, Հայաստանի և Ադրբեջանի միջև խաղաղության գործընթացի շրջանակում, Աբու Դաբիում տեղի կունենա երկկողմ հանդիպում՝ Հայաստանի Հանրապետության վարչապետ Նիկոլ Փաշինյանի և Ադրբեջանի Հանրապետության նախագահ Իլհամ Ալիևի միջև»,- ասված է հաղորդագրությունում։
Թարգմանությունը՝ Էմմա Չոբանյանի
