06.10.2026 | 11:18
Ազգային ժողովի հրմշտոցը՝ ԼՈՒՍԱՆԿԱՐՆԵՐՈՎ
Փաշինյանն ու Ալիևը հուլիսի 10-ին կհանդիպեն ԱՄԷ-ում
Քաղաքականություն
09.07.2025 | 12:03
Վարչապետ Նիկոլ Փաշինյանը հուլիսի 9-ին աշխատանքային այցով մեկնում է Արաբական Միացյալ Էմիրություններ։
ՀՀ վարչապետի աշխատակազմից տեղեկացնում են, որ այսօր Աբու Դաբիում նախատեսված է Հայաստանի Հանրապետության վարչապետ Նիկոլ Փաշինյանի հանդիպումը ԱՄԷ նախագահ Շեյխ Մուհամմադ բին Զայեդ Ալ Նահյանի հետ։
«Հուլիսի 10-ին, Հայաստանի և Ադրբեջանի միջև խաղաղության գործընթացի շրջանակում, Աբու Դաբիում տեղի կունենա երկկողմ հանդիպում՝ Հայաստանի Հանրապետության վարչապետ Նիկոլ Փաշինյանի և Ադրբեջանի Հանրապետության նախագահ Իլհամ Ալիևի միջև»,- ասված է հաղորդագրությունում։
Հիշեցնենք, որ նախօրեին ԱՄՆ պետքարտուղար Մարկո Ռուբիոն խոսել էր Հայաստանի և Ադրբեջանի միջև հարաբերությունների կարգավորման գործընթացի մասին ու հույս հայտնել, որ շուտով խաղաղության համաձայնագիր կկնքվի Ադրբեջանի և Հայաստանի միջև։
Ավելի վաղ Middle East Eye-ն էր տեղեկացրել, որ Նիկոլ Փաշինյանի ու Իլհամ Ալիևի առաջիկա հանդիպումը նախատեսված է հուլիսի վերջին՝ Դուբայում։
