06.11.2026 | 23:24
Նոյեմբերի 7-ին ՊԵԿ էլեկտրոնային համակարգերը երկու ժամով անհասանելի կլինեն
Հուսով ենք՝ շուտով խաղաղության համաձայնագիր կկնքվի Ադրբեջանի և Հայաստանի միջև. ԱՄՆ պետքարտուղար
Քաղաքականություն
08.07.2025 | 22:44
ԱՄՆ պետքարտուղար Մարկո Ռուբիոն խոսել է Հայաստանի և Ադրբեջանի միջև հարաբերությունների կարգավորման գործընթացի մասին։ Սպիտակ տանը կաբինետի նիստում Ռուբիոն անդրադարձել է Հայաստան-Ադրբեջան կարգավորման գործընթացին։
«Մենք կանխել և ավարտել ենք Հնդկաստանի և Պակիստանի միջև պատերազմը։ Կոնգոյի և Ռուանդայի միջև խաղաղության համաձայնագիր, 12-օրյա պատերազմ, որն ավարտվեց ամերիկյան գործողությամբ, մենք միակ երկիրն ենք աշխարհում, որը կարող էր դա անել։ Հուսով ենք՝ շուտով խաղաղության համաձայնագիր կկնքվի Ադրբեջանի և Հայաստանի միջև։ Ամբողջ Մերձավոր Արևելքը և դրա ենթակառուցվածքները այժմ ունեն փոխվելու ներուժ Սիրիայի և Լիբանանի պատճառով։ Եվ դեռ 6 ամիս էլ չի անցել», – հայտարարել է ԱՄՆ պետքարտուղարը, որի կողքին է եղել նաև ԱՄՆ նախագահ Դոնալդ Թրամփը։
Նշենք՝ բրիտանական Middle East Eye-ը, հղում անելով իր աղբյուրներին, գրել էր, որ ՀՀ վարչապետ Նիկոլ Փաշինյանն ու Ադրբեջանի նախագահ Իլհամ Ալիևն այս ամսվա վերջին հնարավոր է՝ հանդիպեն Դուբայում։
Վարչապետի մամուլի խոսնակ Նազելի Բաղդասարյանը ո՛չ հերքել, ո՛չ հաստատել էր Դուբայում Նիկոլ Փաշինյան- Իլհամ Ալիև հնարավոր հանդիպման մասին լուրերը։
Թարգմանությունը` Էմմա Չոբանյանի
