15.03.2026 | 15:45
Սլովակիան հանել է Ռուսաստանի դեմ ԵՄ պատժամիջոցների արգելափակումը
ԱՄՆ պետքարտուղարի տեղակալը՝ բանակցություններին Արցախի մասնակցության հնարավորության մասին
Քաղաքականություն
16.10.2018 | 15:30
ԱՄՆ-ն սատարում է, որպեսզի Արցախի հակամարտության կողմերը շփումներ ունենան, երկրի ղեկավարների միջև շփումներ լինեն: Այս մասին այսօր՝ հոկտեմբերի 16-ին, լրագրողների հետ զրույցում հայտարարել է ԱՄՆ պետքարտուղարի՝ Եվրոպայի և Եվրասիայի հարցերով տեղակալ Ջորջ Քենթը:
ԼՂ հակամարտության կարգավորման բանակցություններին Արցախին ներգրավելու մասին Նիկոլ Փաշինյանի հայտարարության մասին հարցին Ջորջ Քենթն ուղղակի չի պատասխանել՝ նշելով, որ իրենց դերակատարումը հակամարտության կողմերի միջև շփումներին նպաստելն է: «ԱՄՆ-ն ԵԱՀԿ Մինկի խմբի երեք համանախագահներից մեկն է, և մենք ՄԱԿ-ի Գլխավոր վեհաժողովի շրջանակում օգնեցինք կազմակերպել հանդիպում Հայաստանի և Ադրբեջանի ԱԳ նախարարների միջև: Դրանից հետո Նիկոլ Փաշինյանն ու Իլհամ Ալիևը հանդիպեցին Դուշանբեում ԱՊՀ երկրների ղեկավարների հավաքի ժամանակ: Երկու ղեկավարներն էլ շփումը դրական են համարում»,- նշել է ամերիկացի դիվանագետը:
Ջորջ Քենթը խոսել է նաև «Մադրիդյան սկզբունքների» մասին, այն է՝ ուժի չկիրառում, տարածքային ամբողջականություն և ժողովուրդների ինքնորոշման իրավունք: «Յուրաքանչյուր երկիր կարող է այս սկզբունքների վերաբերյալ իր մեկնաբանությունն ունենալ, սակայն առաջնորդող սկզբունքները սրանք են»:
