24.04.2026 | 23:32
Կապանում ջրանջատում կլինի
Նախորդների նույն գործելաոճն է․ Պարույր Հայրիկյանը՝ որդու բերման ենթարկվելու մասին
Քաղաքականություն
16.10.2018 | 14:54
Երեկ՝ հոկտեմբերի 15-ին, Ոստիկանության Երևան քաղաքի վարչության ՊՊԾ գնդի 5-րդ հատուկ գումարտակի 2-րդ վաշտի ծառայողները սառը զենք կրելու կասկածանքով Ոստիկանության կենտրոնական բաժին են բերման ենթարկել մի քաղաքացու՝ 31-ամյա Դավիթ Հայրիկյանին, որը Պարույր Հայրիկյանի որդին է։
Տեղեկությունը Factor.am-ի հետ զրույցում հաստատեց Պարույր Հայրիկյանը։
«Տղաս կնոջ և մանկահասակ երեխաների հետ զբոսնելիս է եղել Հյուսիսային պողոտայում։ Նրան այնտեղից բերման են ենթարկել՝ պատճառաբանելով, որ կրում է սառը զենք։ Երեխաների ներկայությամբ հորը բերման են ենթարկել, նախորդների նույն գործելաոճն է։ Այդ սառը զենք ասվածը կենցաղային փոքրիկ դանակ է, որը մշտապես նրա մոտ է։ Ըստ որդուս՝ այդ դանակով անգամ օդանավ է բարձրանում։ Այնպես որ, չեմ հասկանում, ի՞նչն է պատճառը, հավանաբար, Սահմանադրության վերաբերյալ վերջին գրառումս է պատճառ եղել»,- ասաց ԱԻՄ առաջնորդը։
Վերջինս նաև նշեց, որ որդին բնակվում է ԱՄՆ-ում, երեկվանից բերման է ենթարկվել և մինչ այս պահն ազատության մեջ չէ։
