Մասիս Մելքոնյանը մեղադրյալին չի պարզաբանել լռելու իրավունքի մասին. ԲԴԽ-ն քննում է կարգապահական գործը․ ՏԵՍԱՆՅՈՒԹ

Բարձրագույն դատական խորհուրդը քննում է Երևանի քրեական դատարանի դատավոր Մասիս Մելքոնյանին կարգապահական պատասխանատվության ենթարկելու միջնորդությունը:
Դատավորին կարգապահական պատասխանատվության ենթարկելու հարցով ԲԴԽ-ին դիմել է Դատավորների էթիկայի և կարգապահական հարցերի հանձնաժողովը:

Էթիկայի հանձնաժողովի անդամ Արման Հովհաննիսյանը միջնորդությունը ներկայացնելիս ասաց, որ Մասիս Մելքոնյանը որպես մեղադրյալ հարցաքննվող անձին չի պարզաբանել նրա լռելու իրավունքի մասին, հայտնել է, որ եթե մեղադրյալը որոշել է ցուցմունք տալ, ապա պետք է պատասխանի բոլոր հարցերին, մեղադրյալին չի պարզաբանել սուտ ցուցմունք տալու դեպքում սահմանված քրեական պատասխանատվության մասին մինչև այն պահը, երբ տուժողի ներկայացուցիչը հորդորել է նախազգուշացնել:

Բացի այդ՝ մեղադրյալի հարցաքննության հիման վրա նոր վկայի է հարցաքննել, ապա ընկերություններից մեկից փաստաթղթեր պահանջել, և չստանալով դրանք՝ հաղորդում ներկայացրել Դատախազություն այն մասին, որ իր կայացրած դատական ակտը չի կատարվել, նախաձեռնվել է քրեական վարույթ:

Վեր նշված բոլոր գործողություններն արդեն իսկ կատարված են եղել, երբ մեղադրյալի դիմումի հիման վրա Էթիկայի հանձնաժողովում դատավորի նկատմամբ կարգապահական վարույթ է հարուցվել: Մասիս Մելքոնյանը վարույթի վերաբերյալ բացատրություն ներկայացնելու ժամկետը երկարացնելու միջնորդություն է ներկայացվել, ժամկետը երկարացվել է մինչև 2025-ի ապրիլի 18-ը: Մելքոնյանը մեկ օր առաջ՝ ապրիլի 17-ի նիստով իր նախաձեռնությամբ անթույլատրելի է ճանաչել մեղադրյալի հարցաքննությունը:

Մանրամասները՝ տեսանյութում։

Արաքս Մամուլյան