16.07.2026 | 23:29
Հետաքննությունը պարզել է, որ Ալիևի թոռներն անօրինական կերպով օգտագործում են պաշտոնական լիմուզիններն և անվտանգության մեքենաները
Ռուսական զորքերը ԱԹՍ-ներով գրոհել են Օդեսան․ տուժածներ կան
Քաղաքականություն
03.07.2025 | 12:01
Ռուսական զորքերը հուլիսի լույս 3-ի գիշերը անօդաչու թռչող սարքերով հարձակվել են Օդեսայի վրա, որի հետևանքով վիրավորվել է 5 մարդ, այդ թվում՝ 2 երեխա։ Այս մասին հայտնել է Օդեսայի տարածաշրջանային ռազմական վարչակազմի ղեկավար Օլեգ Կիպերը, փոխանցում է Current time-ը։
Նրա խոսքով՝ հարձակման հետևանքով վնասվել են բնակելի շենք, այլ քաղաքացիական ենթակառուցվածքային օբյեկտներ։ Բնակարաններում բռնկվել են հրդեհներ, որոնք հետագայում մարվել են։ Վեց բնակարան ամբողջությամբ ավերվել է, ևս 36-ը՝ մասամբ վնասվել։ Վիրավորվել է 5 մարդ, որոնցից երկուսը՝ երեխաներ, 7-ամյա տղա և 9-ամյա աղջիկ։
Տեղական իշխանությունների տվյալներով՝ ռուսական զորքերը նաև անօդաչու թռչող սարքից պայթուցիկ են նետել Խերսոնի Դնեպրովսկի շրջանում 75-ամյա մի կնոջ վրա։ Նա պայթյունի հետևանքով ոտքի և ձեռքի բեկորային վնասվածքներ է ստացել։
Ուկրաինական զինվորականների տվյալներով՝ չորեքշաբթի երեկոյից ի վեր հերթական հարձակմանը մասնակցել են, ընդհանուր առմամբ, 52 «Շահեդ» տիպի հարվածային անօդաչու թռչող սարքեր և անօդաչուների իմիտատորներ։
Ուկրաինայի ռազմաօդային ուժերն առավոտյան հաղորդագրության մեջ հայտնել են, որ դրանցից 40-ը ոչնչացվել են։
Թարգմանությունը՝ Էմմա Չոբանյանի
