06.10.2026 | 16:53
Գերմանիայի հետախուզական ծառայության նախկին ղեկավարը ձերբակալվել է լրտեսության կասկածանքով
ՀԷՑ-ը պետականացնելուն առնչվող նախագծի երկրորդ ընթերցմամբ քննարկումը և քվեարկությունն այսօր տեղի չունեցավ
Քաղաքականություն
02.07.2025 | 18:58
ԱԺ-ն այսօր երկրորդ ընթերցմամբ չքննարկեց «Հանրային ծառայությունները կարգավորող մարմնի մասին» և «Էներգետիկայի մասին» օրենքներում լրացումներ և փոփոխություն կատարելու մասին նախագծերի փաթեթը, որը վերաբերում է ՀԷՑ-ը պետականացնելուն։ Այս մասին ԱԺ արտահերթ նիստում հայտարարեց փոխխոսնակ Հակոբ Արշակյանը՝ տեղեկացնելով, որ հանձնաժողովում օրինագծի քննարկումը շարունակվում է։
Այսպիսով՝ արտահերթ նիստն այսօր ավարտվեց, վաղը տեղի կունենա հարցի երկրորդ ընթերցմամբ քննարկումը։
Հիշեցնենք, որ խորհրդարանը ձայների 65 կողմ, 30 դեմ հարաբերակցությամբ առաջին ընթերցմամբ ընդունել էր «Հանրային ծառայությունները կարգավորող մարմնի մասին» և «Էներգետիկայի մասին» օրենքներում լրացումներ և փոփոխություն կատարելու մասին նախագծերի փաթեթը, որն առնչվում է ՀԷՑ-ը պետականացնելուն։
Մանյա Պողոսյան
