23.05.2026 | 18:52
«Ուժեղ Հայաստան» կուսակցության քարոզարշավը Արմավիրի մարզում. ՈՒՂԻՂ
100 000 դրամ վնասով վթարը հնարավոր է ամբողջ տնտեսությանը մի քանի միլիոնի վնաս պատճառի․ Խաչատրյան․ ՏԵՍԱՆՅՈՒԹ
Տնտեսություն
02.07.2025 | 13:10
«Երկու ավտոտրանսպոտային միջոցների մասնակցությամբ ավտոպատահարի մասնակից վարորդները պարտավոր են ՃՏՊ-ից հետո՝ 20 րոպեի ընթացքում, թողնել պատահարի վայրը, տրանսպորտային միջոցը տեղափոխել օրենքով չարգելված այլ վայր, եթե այն պատահարի հետևանքով չունի տեխնիկական այնպիսի անսարքություն, որի դեպքում արգելվում է ավտոմեքենայի շահագործումը»,- այս մասին ԱԺ արտահերթ ասաց «Քաղաքացիական պայմանագիր» խմբակցության պատգամավոր, նախագծի համահեղինակ Էդուարդ Աղաջանյանը։
Պատգամավորը շեշտեց, որ խոսքը միայն երկու տրանսպորտային միջոցների պատահարներին է վերաբերում, երբ կա գույքային վնաս, և կողմերը մեղավորության վերաբերյալ ունեն համաձայնություն:
«Առաջարկվում է ևս մեկ լրացում, հանաձայն որի՝ միայն երկու տրանսպորտային միջոցների մասնակցությամբ պատահարի պահից հետո՝ 20 րոպեի ընթացքում, պատահարի վայրը չթողնելը և ավտոտրանսպորտային միջոցն օրենքով չարգելված այլ վայր չտեղափոխելը առաջացնում է տուգանք նվազագույն աշխատավարձի 30-ապատիկի չափով, եթե ավտոտրանսպորտային միջոցը ՃՏՊ-ի հետևանքով չունի այնպիսի անսարքություն, որի դեպքում արգելվում է դրա շահագործումը»,- ներկայացրեց նա՝ ընդգծելով, որ նախատեսվում է օրենսդրական բարեփոխման արդյունքում նվազեցնել արհեստական խցանումների ռիսկը։
Հարակից զեկուցող Արմեն Խաչատրյանը ևս կարևորեց նախագիծը՝ նշելով, որ խցանումների պատճառ են հանդիսանում նաև ճանապարհատրանսպորտային պատահարները։
«Հաճախ 100 000 դրամ վնասով վթարը հնարավոր է ամբողջ տնտեսությանը մի քանի միլիոնի վնաս պատճառի։ Ականկալում ենք, որ նախագծով կնվազեն արհեստական խցանումների առաջացման ռիսկերը» ,- նկատեց իշխանական պատգամավորը։
Մանրամասները՝ տեսանյութում։
Մանյա Պողոսյան
