23.05.2026 | 15:30
Թուրք լրագրողի և կեղծիքի ցանցի նոր պնդումները ադրբեջանցիների վերադարձի մասին
«Երևանը կողմնորոշում է վերցնում դեպի Արևմուտք, հաճախ՝ ի վնաս սեփական շահերի»․ ՌԴ ԱԳՆ
Քաղաքականություն
01.07.2025 | 15:36
Հայաստանը կողմնորոշումը է վերցնում դեպի Արևմուտք՝ հաճախ իր ազգային շահերին ի վնաս, օրինակ՝ Հավաքական անվտանգության պայմանագրի կազմակերպության (ՀԱՊԿ) հետ համագործակցությունից հեռանալը։ Այս մասին հայտարարել է Ռուսաստանի ԱԳ նախարարության ԱՊՀ երկրների չորրորդ դեպարտամենտի փոխտնօրեն Դմիտրի Մասյուկը։
«Մենք զգում ենք արևմտականների ապակառուցողական ազդեցությունը Հայաստանում։ Ցավոք, հարավկովկասյան այս հանրապետությունն այդքան էլ չի դիմադրում այս փոփոխություններին և շարունակում է կողմնորոշումը դեպի Արևմուտք, հաճախ՝ ի վնաս իր ազգային շահերի։ Կոնկրետ օրինակ է Երևանի՝ ՀԱՊԿ-ի հետ համագործակցությունից հեռանալը»,- ասել է նա «Կովկասյան երկխոսություն» գիտակրթական ծրագրի բացման ժամանակ։
Դիվանագետը նշել է, որ այս կազմակերպության ներուժը տարածաշրջանում կայունություն ապահովելու հարցում մեծ է։ Բացի այդ, ըստ Մասյուկի՝ Մոսկվան շահագրգռված է պահպանել բարեկամական հարաբերությունները Երևանի հետ։
«Մենք հետաքրքրված ենք Հայաստանի հետ բարեկամական հարաբերությունները պահպանելու հարցում՝ այս երկրում օրինականությունը և հանգստությունը պահպանելու համար»,- ասել է նա՝ հավելելով, թե Ռուսաստանը կարծում է, որ «հանրապետությունում քաղաքական անկայունության շրջանը, այդ թվում՝ Հայաստանի վարչապետի վերջին հայտարարությունները պետական հեղաշրջման փորձը կանխելու մասին, Հայաստանի ներքին գործն են»։
Թարգմանությունը՝ Էմմա Չոբանյանի
