08.09.2026 | 09:38
Երևանին 254 մլն դրամ նվիրաբերած «ԷՎՈԿԱԲԱՆԿ»-ին կենտրոնում ծառայողական ավտոկայանատեղ կտրամադրվի
Ռուսական զորքերը հրթիռային հարված են հասցրել Դնեպրոպետրովսկի մարզին․ կա 4 զոհ, 17 վիրավոր
Քաղաքականություն
27.06.2025 | 17:09
Ռուսական զորքերը հարված են հասցրել Ուկրաինայի Դնեպրոպետրովսկի մարզի Սամար քաղաքին։ Այս մասին հայտնել է մարզային ռազմական վարչակազմի ղեկավար Սերգեյ Լիսակը։ Նա նշել է, որ հրթիռային հարձակման հետևանքով մի քանի պայթյուն է տեղի ունեցել։
Լիսակը հայտնել է, որ չորս մարդ զոհվել է, 17-ը՝ վիրավորվել։
«Վիրավորների մեծ մասը հոսպիտալացվել է։ Երկու տղամարդ և մեկ կին գտնվում են ծանր վիճակում։ Մնացածը միջին ծանրության են»,-գրել է նա տելեգրամի իր ալիքում։
Սա քաղաքի վրա երկրորդ հարձակումն է մեկ շաբաթվա ընթացքում։ Հունիսի 24-ին ռուսական զորքերը հարձակվել էին Դնեպր և Սամար քաղաքների վրա։ Դնեպրում զոհվածների թիվը հասել է 21-ի, Սամարում՝ զոհվել է երկու մարդ։ Ընդհանուր առմամբ, վիրավորվել է ավելի քան 340 մարդ։
Թարգմանությունը՝ Էմմա Չոբանյանի
