24.06.2026 | 18:23
AI լուծումներ, աշխարհագրության ընդլայնում և շատ ավելին. Eventhub-ի նոր հնարավորություններն ու առաջարկները
Ֆրանսիան օգնել է Իսրայելին ուղղված ԱԹՍ-ների ոչնչացման հարցում
Քաղաքականություն
27.06.2025 | 11:55
Ֆրանսիացի զինվորականները մասնակցել են Իսրայելի ուղղությամբ իրանական անօդաչու թռչող սարքերի հարձակումները կանխելու ջանքերին, այս մասին հայտարարել է Ֆրանսիայի պաշտպանության նախարար Սեբաստիան Լըկորնյուն, գրում է Reuters-ը։
«Կարող եմ հաստատել, որ ֆրանսիական բանակը վերջին մի քանի օրերի ընթացքում Իրանի Իսլամական Հանրապետության կողմից Իսրայելի դեմ իրականացված տարբեր ռազմական գործողությունների ընթացքում, կամ «երկիր-օդ» համակարգերի, կամ մեր Rafale կործանիչների միջոցով, որսացել է շուրջ 10 ԱԹՍ», – ասել է Լըկորնյուն Մերձավոր Արևելքում ստեղծված իրավիճակի վերաբերյալ խորհրդարանական քննարկման ժամանակ։
Նա նշել է, որ Իրանը 12-օրյա հակամարտության ընթացքում Իսրայելի ուղղությամբ արձակել է մոտ 400 բալիստիկ հրթիռ և 1000 անօդաչու թռչող սարք։
Իսրայելը հունիսի 13-ին սկսել էր հարձակում Իրանի վրա՝ հայտարարելով, որ նպատակ ունի ոչնչացնել իր «ոխերիմ թշնամու միջուկային ներուժը»։ Նրա հարվածները ոչնչացրել են Իրանի ռազմական հրամանատարության բարձրաստիճան աշխատակիցներին և սպանել մի քանի միջուկային գիտնականների։ Իրանի իշխանությունները հայտնել են, որ երկրում զոհվել է 610 մարդ, վիրավորվել է մոտ 5000-ը։
Թեհրանի հարվածներից Իսրայելում սպանվել է առնվազն 28 մարդ, վնասվել են հարյուրավոր շենքեր։
Թարգմանությունը՝ Էմմա Չոբանյանի
