«ԱՄՆ-ն փրկել է Իսրայելը և հիմա փրկելու է Բիբիին»․ Թրամփը կոչ է անում անհապաղ դադարեցնել Նեթանյահուի քրեական հետապնդումը

Լուրեր

22.11.2026 | 21:17
Հայաստանի էներգահամակարգը հարևան մյուս երկու երկրների համակարգերին ինտեգրելը ՀԷՑ-ի հետ կապելը մանիպուլյացիա է․ Ռոմանոս Պետրոսյան
22.11.2026 | 21:01
Փակ և դժվարանցանելի ճանապարհներ Հայաստանում․ Փրկարար ծառայությունը տեղեկացնում է
22.11.2026 | 20:00
Շինաղբի սարեր Հայաստանի ձորերում․ կառուցապատման բումի անտեսված ՇԵՐՏԵՐԸ. ՏԵՍԱՆՅՈւԹ
22.11.2026 | 19:25
COP31-ի մասնակիցներին չի հաջողվել համաձայնեցնել եզրափակիչ հայտարարությունը․ համաժողովն ավարտվել է սկանդալով
22.11.2026 | 18:54
«Պալաչ» մականունով հայտնի Արթուր Հարությունյանը ԿԸՀ դատարկ հայտարարագիր է ներկայացրել
22.11.2026 | 18:31
Երևանի Մալաթիա-Սեբաստիա վարչական շրջանի մի շարք հասցեներում ջրանջատում կլինի
22.11.2026 | 18:13
Ֆրանսիայում տասնյակ հազարավոր մարդիկ կրկին դուրս են եկել բողոքի ցույցերի
22.11.2026 | 17:52
Հայաստանի մի շարք շրջաններում ձյուն և ձնախառն անձրև է տեղում
22.11.2026 | 17:32
Պաշտպանության փոխնախարար Կարեն Բրուտյանն այցելել է զորամասեր և ամրացված շրջաններ
22.11.2026 | 17:11
Դատարանը մերժել է Վալերիյ Օսիպյանից պետության նվիրած բնակարանը բռնագանձելու՝ Դատախազության պահանջը
22.11.2026 | 16:34
Ռազմական ոստիկանությունը կուժեղացնի պայքարը քրեական ենթամշակույթի և արատավոր բարքերի դեմ
22.11.2026 | 15:59
Արմավիրի մարզի մի շարք բնակավայրերում փորձարկվելու են էլեկտրական շչակներ․ ՓԾ
22.11.2026 | 15:13
Նոյեմբերի 22-ին Դավթաշենի 4-րդ թաղամասում ջուր չի լինի
22.11.2026 | 14:50
Կրասնոդարի երկրամասում ուկրաինական անօդաչուների հարձակման հետևանքով 5 մարդ է տուժել․ հնարավոր է՝ թիրախավորվել է Ռոսգվարդիայի շենքը
22.11.2026 | 14:29
Նոյեմբերի 22-ին Գորիսի մի շարք հասցեներում ջուր չի լինի
Բոլորը

ԱՄՆ նախագահ Դոնալդ Թրամփը կոչ է արել դադարեցնել Իսրայելում վարչապետ Բենիամին Նեթանյահուի նկատմամբ քրեական հետապնդումը կոռուպցիայի մեղադրանքով։

«Ես ցնցված էի՝ լսելով, որ Իսրայելի պետությունը, որը հենց նոր ապրել է իր պատմության մեծագույն պահերից մեկը և որը ուժեղ առաթնորդում է Բիբի Նեթանյահուն, շարունակում է վհուկների որսը իր Մեծ պատերազմի ժամանակների վարչապետի դեմ։ Բիբին և ես միասին անցանք դժոխքի միջով՝ պայքարելով Իսրայելի  շատ բարդ  և հանճարեղ վաղեմի թշնամի Իրանի դեմ, և Բիբին չէր կարող ավելի լավ, ավելի սուր կամ ավելի ուժեղ լինել անհավատալի Սուրբ Երկրի հանդեպ իր սիրո մեջ»,- գրել է Թրամփը իր Truth Social սոցցանցում՝ նշելով, որ ցանկացած մեկը կկրեր կորուստներ։

«Բիբի Նեթանյահուն այնպիսի զինվոր էր, ինչպիսին, թերևս, չի եղել Իսրայելի պատմության մեջ, և արդյունքը եղավ մի բան, որը ոչ ոք հնարավոր չէր համարում՝ աշխարհի ամենամեծ և ամենահզոր միջուկային պոտեցիալ զենքերից մեկի լիակատար վերացումը, և դա պետք է տեղի ունենար շուտով։ Մենք բառացիորեն պայքարում էինք Իսրայելի գոյատևման համար, և Իսրայելի պատմության մեջ ոչ ոք այնքան ջանասիրաբար կամ ավելի հմուտ չի պայքարել, որքան Բիբի Նեթանյահուն»,- հայտարարել է Թրամփը՝ նշելով, որ «չնայած դրան՝ նոր իմացել է, որ Բիբին երկուշաբթի օրը կանչվել է դատարան՝ այդ երկարատև շարքը շարունակելու համար (Նա այս «Սարսափ շոուի» մեջ է 2020 թվականի մայիսից ի վեր)»։

Ըստ ԱՄՆ նախագահի՝ «սա առաջին դեպքն է, երբ Իսրայելի գործող վարչապետը դատվում է։

«Նման վհուկների որս այն մարդու նկատմամբ, որն այդքան շատ բան է տվել, ինձ համար անհավանական է։ Նա արժանի է շատ ավելիին, և նույնը վերաբերում է նաև Իսրայել պետությանը։ Բիբի Նեթանյահուի դատավարությունը պետք է ԱՆՄԻՋԱՊԵՍ չեղարկվի կամ ներում շնորհվի մեծ հերոսին, որն այդքան շատ բան է արել պետության համար»,- գրել է Թրամփը։

Նա նշել է, որ հնարավոր է՝ չկա որևէ այլ մեկը, ում ինքը ճանաչում է և ով կարող էր ավելի ներդաշնակ աշխատել Միացյալ Նահանգների նախագահի՝ իր հետ, քան Բիբի Նեթանյահուն։

«Հենց ԱՄՆ-ն էր, որ փրկեց Իսրայելը, և հիմա ԱՄՆ-ն փրկելու է Բիբի Նեթանյահուին։ Արդարադատության այս ծաղրը չի կարող լինել»,-հայտարարել է Թրամփը։

Նեթանյահուին խարդախության, վստահության չարաշահման և կաշառակերության մեղադրանքներ են ներկայացվել դեռևս 2019 թվականին։ Սակայն միայն 2024 թվականի դեկտեմբերի սկզբին դատարանը որոշեց, որ Նեթանյահուն պետք է ցուցմունք տա։ Նա դարձել է Իսրայելի առաջին գործող վարչապետը, որը դատարանի առաջ է կանգնել որպես քրեական գործով մեղադրյալ: Իսրայելի դատախազությունը Նեթանյահուին նաև մեղադրում է հոլիվուդյան միլիարդատեր պրոդյուսերից որպես նվիրատվություն սիգարներ և շամպայն ստանալու համար։

Բացի այդ՝ նրան մեղադրում են իր գործունեությունն ավելի բարենպաստ լուսաբանելու դիմաց որոշ լրատվամիջոցների օգնելու մեջ։ Նեթանյահուն հերքում է բոլոր մեղադրանքները։

Թարգմանությունը՝ Էմմա Չոբանյանի