«Արկածախնդիր հայերը պիտի դուրս գան, էշերն ու վախկոտները՝ հետևից»․ ՔԿ-ի ձայնագրությունը․ ՏԵՍԱՆՅՈՒԹ

Լուրեր

17.11.2026 | 23:25
Հայաստանի մի շարք հասցեներում էլեկտրաէներգիայի անջատումներ կլինեն
17.11.2026 | 23:10
25-ամյա հետախուզվողը հայտնաբերվել և ձերբակալվել է մայրաքաղաքում
17.11.2026 | 22:53
Սևանա լճի մակարդակը մեկ շաբաթում նվազել է 1 սանտիմետրով
17.11.2026 | 22:39
Ադրբեջանում առաջարկում են է՛լ ավելի խստացնել ՀԿ-ների գործունեությանը վերաբերող օրենսդրությունը
17.11.2026 | 22:22
Կյանքից հեռացել է ՀՀ ժողովրդական արտիստ Հակոբ Ազիզյանը
17.11.2026 | 22:08
Դատարանը վարույթ ընդունեց հայցադիմումը․ ընտրություններից 12 օր առաջ ԸԸՀ-ն պահանջում է չեղարկել թեկնածուի գրանցումը
17.11.2026 | 21:56
ԱՄՆ-ն խստացնում է արհեստական բանականության առաջադեմ չիպերի արտահանման կանոնները՝ Nvidia-ի ղեկավարի շուրջ սկանդալից հետո
17.11.2026 | 21:40
Ադրբեջանն ու Վրաստանը համատեղ զորավարժությունների անցկացման հարցեր են քննարկել
17.11.2026 | 21:28
Տեղի են ունեցել ՀՀ-ԳԴՀ պաշտպանական խորհրդակցությունները
17.11.2026 | 21:15
Ընդդիմությունն ունի բոլոր շանսերը՝ թույլ չտալու սահմանադրական հանրաքվե, հուսանք՝ մանդատագողություն չի լինի․ Դավիթ Խաժակյան. ՏԵՍԱՆՅՈՒԹ
17.11.2026 | 21:08
Ինչ է քննարկվել «Հարավկովկասյան երկաթուղու» կոնցեսիոն կառավարման հարցով հանդիպմանը
17.11.2026 | 20:56
Աննա Հակոբյանն ընդվզման կոչ է անում․ ով է պատասխանատու խցանումների համար. ՏԵՍԱՆՅՈՒԹ
17.11.2026 | 20:44
Լրագրողական հետաքննությունը բացահայտել է Deutsche Bank-ի կապերը ռուսաստանցի օլիգարխների, Ջեֆրի Էփշթեյնի և Դոնալդ Թրամփի հետ
17.11.2026 | 20:30
Ունեմ վարկած՝ Արմեն Գրիգորյանը կատարում է Փաշինյանի հանձնարարությունը՝ պատրաստելու շրջադարձն արևմտամետ կուրսից․ Լևոն Զուրաբյան. ՏԵՍԱՆՅՈՒԹ
17.11.2026 | 20:19
20։10-ի դրությամբ, Նոյեմբերյանի և Բերդի տարածաշրջանների ավտոճանապարհներին մառախուղ է
Բոլորը

ՀՀ Քննչական կոմիտեն ներկայացրել է «Սրբազան պայքար» անվանումը կրող շարժման ղեկավարների և մասնակիցների կողմից ահաբեկչության և իշխանությունը յուրացնելու նախապատրաստություն կատարելու դեպքի առթիվ նախաձեռնված քրեական վարույթի շրջանակներում գաղտնի քննչական գործողությունների արդյունքում ձեռք բերված ձայնագրությունները։ Այս ձայնագրությունում ենթադրվում է, որ մի քանի հոգու խոսակցություններ են։

Լսվում է տղամարդու ձայն, որն ասում է․ «Պետք է բան անել, ինչ է անունը, վառել էլի, վառել էլի մարդկանց մեջ էդ ճրագը, որ իրենք էլ հասկանան, չէ, ընգեր, մենք էլ ենք մասնակից պրոցեսի, էս անասուն ազգը, խորը անասուն ազգը, ամեն ինչում ուզում է լինել սեփականատեր և հիմանդիր, դրա համար պետք ա ասել՝ ախպեր պրոցեսի համահիմնադիրը դու ես, նաև՝ քո ձայնը լսվել է, Արթուրի ասած, դա տեխնոլոգիա է, պետք է արվի։ Բոլորս գիտակցում ենք չէ, թե ինչի ենք գնում։ Մեր գործողություններն ի՞նչ է լինում․ խփո՞ւմ ենք, ջարդո՞ւմ ենք, մտնո՞ւմ»,- մեջբերման ավարտը։
Հետո լսվում է պատասխանը, տղամարդն ասում է․ «Քաոսի մեջ մեկն ավտո կվառի, մեկը խանութ կջարդի, հիմա իրենք էդի պիտի կանտրոլ անեն չէ՞, չեն կարա 15 ժամ թողնեն ավտոները վառվեն, փողոցները փակեն, տրոլեյբուսների լարերը քաշեն, թափեն գետնին, էդի՝ կանտրոլից դուրս է նշանակում»,- մեջբերման ավարտ։

Մեկ այլ տղամարդ պատասխանում է․«Պիտի սենց լինի․ մի 10 տեղ սկսվի, ոստիկանները ցրված լինեն, մենք կաողանանք մտնենք, առավոտը հելնում ենք, իրիկունը պրծնում ենք։ Պիտի 10 տեղ սկսվի, սրբազանն Ազգային Ժողովի դեմը լինի, ենթադրենք ես ու ինքը, մնացածը փակված լինեն, ժողովուրդը հավաքված լինի, նենց չի, որ պիտի մտնենք ներս»,- մեջբերման ավարտ։

Լսվում է այլ խոսակցություն․ «Թող մի հատ տան, մեր ավտոների վրա փորձենք, տենանք աշխատում է, կարող է՝ կարճ է։ Եթե պիտի մեծացնենք, էդ տղերքին կանչենք, փող տանք, ասենք՝ մեծացրեք։ Վաղը Հակոբին ասենք՝ կբերի, պակրիշկեն չի ծակում, ճղում է։ Էդ Արարատը խմբի 10 հոգու, ամեն մեկին 100-250 դոլար տալով, ասենք՝ ձեր գործը մի բան է, ջահել են, տվեք էդ յուղն ավտոբուսների ապակիներով։ 10 հատ այ սենց փախեք, իրանց մեջ ովքեր կան, որ բջոտ են։ Էսօր պտտվել ենք Բաղրամյանով, մոստերը-բաները, որտեղ հնարավոր է էդ բաները լցնել։ Էս Խանջյանի երկու մոստը փակ էր, մութ ա, ոչ մի բան չի երևում, գալիս է մեքենան, հետևի բանից շաղ ա տալիս։ Ինքը գնում է առաջ, էդ էլ պիտի տակը, գալիս են՝ էդ մոստերի տակը լռվում են, եթե մոստը փակենք, էդ գնաց մոստի տակ, ոչ էվակուատոր է աշխատելու, ոչ բան։ Դրանք սպիտակ նակլեյկայով կպցնում ես, էն տակի համարը։ Սարգսյան ջան, չվախեցողից առաջ, արկածախնդիր հայ պետք է դուրս գա, էն մնացած վախկոտները, էն էշերը թող հետևից դուրս գան»,- մեջբերման ավարտ։
Նշենք, որ այսօր վաղ առավոտյան իրավապահները խուզարկություններ են իրականացրել «Սրբազան պայքար» ղեկավարների և աջակիցների տներում։ ԱԱԾ-ն գործողություն է իրականացրել նաև Բագրատ արքեպիսկոպոս Գալստանյանի բնակավայրում և «Հայաստան» խմբագրության պատգամավոր Արթուր Սարգսյանի բնակավայրում։
Ավելի վաղ ՔԿ-ն հաղորդագրություն էր տարածել՝ հայտնելով, որ «Սրբազան պայքար» շարժման մասնակիցներն ու ղեկավարները պլանավորել էին Հայաստանում ահաբեկչական և իշխանությունը զավթելուն ուղղված գործողություններ իրականացնել։ Քննչական կոմիտեն նաև ներկայացրել է «Սրբազան պայքար» անվանումը կրող շարժման ղեկավարների և մասնակիցների կողմից ահաբեկչության և իշխանությունը յուրացնելու նախապատրաստություն կատարելու դեպքի առթիվ նախաձեռնված քրեական վարույթի շրջանակներում գաղտնի քննչական գործողությունների արդյունքում ձեռք բերված ձայնագրությունները։
Նիկոլ Փաշինյանն արձագանքել էր ՔԿ-ի ի տարածած հաղորդագրությանն այն մասին, թե «Սրբազան պայքար» շարժման մասնակիցներն ու ղեկավարները պլանավորել էին Հայաստանում ահաբեկչական և իշխանությունը զավթելուն ուղղված գործողություններ իրականացնել։
«Իրավապահները կանխեցին Հայաստանի Հանրապետությունը ապակայունացնելու և իշխանությունը բռնազավթելու «քրեաօլիգարխիակղերական» խոշոր ու եղկելի պլանը»,- «Ֆեյսբուք»-ի իր էջում գրել է Փաշինյանը։

Մանրամասները՝ տեսանյութում։