07.12.2025 | 21:40
Վարդենյաց լեռնանցքում ձյուն է տեղում. Դիլիջանի, Սպիտակի ոլորաններում մառախուղ է
Զելենսկին կստորագրի «Պուտինի համար տրիբունալի» մասին համաձայնագիրը
Քաղաքականություն
25.06.2025 | 13:02
Հունիսի 25-ին Ստրասբուրգում Ուկրաինայի նախագահ Վոլոդիմիր Զելենսկին և Եվրոպայի խորհրդի գլխավոր քարտուղար Ալեն Բերսեն կստորագրեն համաձայնագիր Ուկրաինայի դեմ ագրեսիայի հանցագործության վերաբերյալ հատուկ տրիբունալի ստեղծման մասին։
«Առաջին անգամ կստեղծվի հատուկ Միջազգային տրիբունալ ագրեսիայի հանցագործությունը քննելու համար։ Այն պատասխանատվության կենթարկի նրանց, ովքեր ուժ են կիրառել ՄԱԿ-ի կանոնադրության խախտմամբ։
Հատուկ տրիբունալը դմիջազգային իրավունքը կկիրառի առանց երկակի ստանդարտների և կհաստատի, որ Եվրոպայի անվտանգությունը հիմնված է ոչ թե լռության կամ անպատժելիության, այլ օրենքի, սկզբունքների և գործողությունների վրա», – DW-ի փոխանցմամբ՝ հայտարարել է Բերսեն։
Ուկրաինայի դեմ ագրեսիայի հանցագործության հատուկ քննչական ծառայությունը գործելու է Եվրոպայի խորհրդի շրջանակներում՝ ՌԴ բարձրաստիճան պաշտոնյաներին հետապնդելու մանդատով: Ագրեսիայի հանցագործությունը վերաբերում է այլ պետության դեմ զինված ուժ կիրառելու որոշմանը, ինչը ՄԱԿ-ի կանոնադրության խախտում է:
