05.12.2025 | 23:14
Կայացել է ԱԱ-2026-ի վիճակահանությունը, Դոնալդ Թրամփը մրցանակ է ստացել ՖԻՖԱ-ից
Բաքվի դատարանը երկարացնել է անկախ Meydan TV-ի լրագրողների կալանքը
Քաղաքականություն
24.06.2025 | 22:47
Այսօր Բաքվի Խաթայի շրջանային դատարանը քննել է ադրբեջանական անկախ Meydan TV-ի գործով ձերբակալված լրագրողների կալանքի ժամկետը երկարաձգելու՝ դատախազի միջնորդությունը։
Լրագրողներ Ռամին Դեկոյի (Ջաբրայիլզադե), Այնուր Էլգյունեշի (Գանբարովա), Այթաջ Թափդիգի (Ախմեդովա), Նաթիգ Ջավադլիի, Խայալա Աղաևայի, Ուլվի Թահիրովի, Այսել Ումուդովայի, Շամշադ Աղաևի, Ֆաթիմա Մովլամլիի, Նուրլան Լիբրեի (Գահրամանլի) կալանքը երկարաձգվել է 3 ամսով։
Փաստաբանները դեմ են արտահայտվել կալանքի ժամկետի երկարաձգմանը և հայտարարել, որ բողոքարկելու են։
Հիշենցնեք, որ Meydan TV-ի գործով մի խումբ լրագրողներ ձերբակալվել էին անցյալ տարվա դեկտեմբերին։ Նրանց մեղադրանք է առաջադրվել Ադրբեջանի քրեական օրենսգրքի 206.3.2 հոդվածով՝ «Մի խումբ անձանց կողմից նախնական համաձայնությամբ կատարված մաքսանենգություն»։
Այս տարվա փետրվարին գործի շրջանակներում ձերբակալվել էին Arqument.az կայքի գլխավոր խմբագիր Շամշադ Աղան, ինչպես նաև լրագրողներ Ֆաթիմա Մովլամլին և Նուրլան Գահրամանլին։
Լրագրող Ուլվիա Ալին (Գուլիևա) ձերբակալվել է մայիսի 7-ին Meydan TV-ի հետ կապված քրեական գործով և կալանավորվել Խաթայիի շրջանային դատարանի որոշմամբ։
Ձերբակալված լրագրողները չեն ընդունել իրենց մեղքը և հայտարարել են, որ հետապնդվում են աշխատանքային գործունեության համար։
Ադրբեջանում ներկայումս նմանատիպ մեղադրանքներով բանտում է մոտ 30 լրագրող և հասարակական ակտիվիստ։ Նրանք հերքում են մեղադրանքները՝ դրանք կապելով իրենց մասնագիտական գործունեության հետ։
Տեղական և միջազգային իրավապաշտպան կազմակերպությունները մեղադրանքները համարում են շինծու և կոչ են անում Ադրբեջանի իշխանություններին ազատ արձակել լրագրողներին։
Բաքվի ծանր հանցագործությունների դատարանը ադրբեջանական անկախ AbzasMedia-ի լրագրողներին օրերս դատապարտել էր 7-9 տարվա ազատազրկման։
Թարգմանությունը`Էմմա Չոբանյանի
