21.06.2026 | 22:09
ԱԱ-2026. Իսպանիան հաղթեց խոշոր հաշվով. ՏԵՍԱՆՅՈՒԹ
Թրամփը հայտարարել է, որ Իսրայելը չի հարձակվի Իրանի վրա, ռազմական ինքնաթիռները հետ կշրջվեն
Քաղաքականություն
24.06.2025 | 17:18
ԱՄՆ նախագահ Դոնալդ Թրամփը հայտարարել է, որ Իսրայելը Իրանի վրա հետագա հարձակումներ չի իրականացնի։
«ԻՍՐԱՅԵԼԸ չի պատրաստվում հարձակվել Իրանի վրա։ Բոլոր ինքնաթիռները կշրջվեն և կուղևորվեն տուն՝ միաժամանակ Իրանին ուղղված բարեկամական «ինքնաթիռային ալիք» անելով։ Ոչ ոք չի տուժի, հրադադարն ուժի մեջ է», – գրել է Թրամփը Truth Social սոցցանցում։
Մեկ այլ գրառմամբ էլ ԱՄՆ նախագահը նշել է, որ «Իրանը երբեք չի վերակառուցի իր միջուկային օբյեկտները»։
Axios-ն էլ հայտում է, որ Իսրայելի վարչապետ Բենիամին Նեթանյահուն ԱՄՆ նախագահ Դոնալդ Թրամփին ասել է, որ չի կարող չեղարկել Իրանի դեմ նախատեսված ռազմական պատասխանը՝ Իսրայելի կողմից նոր հայտարարված հրադադարի խախտում իրականացնելու դեպքում։
Ավելի վաղ էլ Թրամփը հայտարարել էր, որ Իսրայելն ու Իրանը խախտել են հրադադարը։
Թարգմանությունը Էմմա Չոբանյանի
