08.09.2026 | 13:18
Քոչարյանի հետ կապվող բրենդային խանութում 9,46 մլրդ դրամի թաքցված շրջանառություն է բացահայտվել․ ՊԵԿ․ ՏԵՍԱՆՅՈՒԹ
ՄԱԿ-ի գլխավոր քարտուղարը հայտարարել է՝ Իրանին ԱՄՆ-ի հարվածները սպառնալիք են միջազգային անվտանգության համար
Քաղաքականություն
22.06.2025 | 10:21
ՄԱԿ-ի գլխավոր քարտուղար Անտոնիու Գուտերեշը ԱՄՆ-ի հարվածները Իրանի վրա որակել է որպես «վտանգավոր սրացում մի տարածաշրջանում, որն արդեն կանգնած է անդունդի եզրին, և ուղղակի սպառնալիք միջազգային խաղաղությանն ու անվտանգությանը»։ Այս մասին Գուտերեշը հայտարարել է շաբաթ օրը՝ հունիսի 21-ին, այն բանից հետո, երբ ԱՄՆ նախագահ Դոնալդ Թրամփը հայտնեց, որ Վաշինգտոնը ավիահարվածներ է հասցրել Իրանի երեք միջուկային օբյեկտներին։
«Գոյություն ունի աճող ռիսկ, որ այս հակամարտությունը կարող է շատ արագ դուրս գալ վերահսկողությունից՝ աղետալի հետևանքներով քաղաքացիական բնակչության, տարածաշրջանի և ողջ աշխարհի համար»,-նշված է ՄԱԿ-ի ղեկավարի հայտարարության մեջ, հայտնում է DW-ն։
«Այս վտանգավոր պահին չափազանց կարևոր է խուսափել քաոսի սպիրալից։ Ռազմական լուծում պարզապես չկա։ Առաջ շարժվելու միակ ճանապարհը դիվանագիտությունն է։ Միակ հույսը՝ խաղաղությունը»,-ընդգծել է Գուտերեշը։
Հիշեցնենք՝ ԱՄՆ նախագահը կոչ է արել Թեհրանին խաղաղություն կնքել՝ սպառնալով հակառակ դեպքում հարվածել նաև Իրանի այլ օբյեկտների։
«Կլինի կամ խաղաղություն, կամ ողբերգություն Իրանի համար՝ շատ ավելի մեծ, քան այն, ինչ տեսանք վերջին ութ օրերի ընթացքում», – ընդգծել է Սպիտակ տան ղեկավարը։
