10.11.2026 | 23:30
Քանդակագործ, նկարիչ Խորեն Տեր-Հարությանի ստեղծագործությունները կպահպանվեն ԱՄՆ աջակցությամբ
Իսրայելում Վրաստանի դեսպանատան շենքի մոտ արկ է ընկել
Քաղաքականություն
19.06.2025 | 13:58
Իսրայելում Վրաստանի դեսպանատան շենքի մոտ արկ է ընկել։ Այս մասին հայտնում է վրացական «Առաջին ալիքը»՝ Իսրայելում Վրաստանի դեսպանատանը հղումով։ Նշվում է, որ շենքը չի վնասվել, և դեսպանատունը շարունակում է իր աշխատանքը։
«Իսրայել Պետությունում Վրաստանի դեսպանատունը, հաշվի առնելով երկրում ստեղծված անվտանգային իրավիճակը, շարունակում է գործել հատուկ ռեժիմով։ Այսօր արկ է ընկել այն շենքի մոտ, որտեղ գտնվում է Վրաստանի դեսպանատունը։ Միջադեպի հետևանքով դեսպանատան շենքը չի վնասվել ։Դիվանագիտական առաքելությունը հետևում է անվտանգության ծառայությունների հրահանգներին և շարունակում է գործել։ Մենք կոչ ենք անում Վրաստանի քաղաքացիներին հետևել տեղական իշխանությունների հրահանգներին»,- ասվում է հաղորդագրության մեջ։
Հիշեցնենք, որ Իսրայելը հունիսի 13-ին հարձակում է սկսել Իրանի վրա՝ թիրախավորելով միջուկային օբյեկտները, ռազմական և էներգետիկ ենթակառուցվածքները: Հարվածների հետևանքով զոհվել են բարձրաստիճան զինվորականներ, միջուկային գիտնականներ և խաղաղ բնակիչներ։ Ի պատասխան՝ Իրանը հարվածներ է հասցնում Իսրայելի տարածքին:
Թարգմանությունը՝ Էմմա Չոբանյանի
