08.09.2026 | 18:58
Թրամփն ու Պուտինը մեկժամյա հեռախոսազրույց են ունեցել
Իրանի վրա գիշերային հարվածներին մասնակցել է 40 կործանիչ․ Իսրայելի պաշտպանության բանակ
Քաղաքականություն
19.06.2025 | 11:26
Իսրայելի ռազմաօդային ուժերը այսօր առավոտյան ռմբակոծել են Իրանի Արաքի ծանր ջրի ռեակտորը, իսկ գիշերը՝ նաև տասնյակ այլ ռազմական օբյեկտներ։ Այս մասին հայտարարում է Իսրայելի պաշտպանության բանակը։
Նշվում է, որ գիշերային հարվածներին մասնակցել է 40 կործանիչ, որոնք Թեհրանում և Իրանի այլ վայրերում գտնվող տասնյակ իրանական ռազմական օբյեկտների վրա նետել են տարատեսակ 100 զինամթերք։
Բացի այդ՝ այսօր առավոտյան հարված է հասցվել Արաքի միջուկային օբյեկտին, այդ թվում՝ ռեակտորի պաշտպանիչ կառուցվածքին, որը «պլուտոնիումի արտադրության հիմնական բաղադրիչն է»։ Իրանի այլ վայրերում գիշերը հարվածների հասցված թիրախում է եղել Նաթանզի օբյեկտը, որն Իրանն օգտագործում է միջուկային զենք մշակելու համար։
«Այս վայրում տեղակայված են միջուկային զենքի մշակման համար օգտագործվող եզակի բաղադրիչներ և սարքավորումներ, ինչպես նաև անցկացվում են միջուկային զենքի ծրագրի արագացմանն ուղղված նախագծեր»,-ասվում է հայտարարության մեջ:
Իսրայելի բանակը նշում է, որ կործանիչները նաև ռմբակոծել են «հումք արտադրող օբյեկտներ, բալիստիկ հրթիռների հավաքման համար օգտագործվող բաղադրիչներ, ինչպես նաև իրանական ՀՕՊ համակարգեր և հրթիռներ արտադրող օբյեկտներ», ինչպես նաև իրանական օդային պաշտպանության օբյեկտներ, հրթիռների պահեստավորման վայրեր և ռադարներ։
Իրանական Tasnim գործակալությունն էլ հայտնում է, որ Արաքի միջուկային օբյեկտին հարվածների հետևանքով զոհեր չկան,տարածքի բնակիչների համար որևէ վտանգ կամ վնաս չկա։ Նշվում է, որ Ատոմային էներգիայի միջազգային կազմակերպությանը տեղեկացվել է հարձակման մասին։
Թարգմանությունը՝ Էմմա Չոբանյանի
