07.08.2026 | 23:37
Անձրև, ամպրոպ և ջերմաստիճանի նվազում. առաջիկա օրերի եղանակի կանխատեսումը
Իսրայելական հիվանդանոցին իրանական հարվածի հետևանքով վիրավորվել է մոտ 25 մարդ
Քաղաքականություն
19.06.2025 | 10:50
Իսրայելի Բեեր Շեբա քաղաքի Սորոկա հիվանդանոցի շենքին իրանական բալիստիկ հրթիռի հարվածից հետո, նախնական տեղեկությունների համաձայն, մոտ 25 մարդ վիրավորվել է, այդ թվում՝ մեկ տղամարդ, որը գտնվում է ծանր վիճակում։ Այս մասին հաղորդում է Jerusalem Post-ը՝ հղում անելով Մագեն Դավիդ Ադոմի ազգային բժշկական ծառայությանը, փոխանցում է BBC-ի ռուսական ծառայությունը։
Առավոտյան Իրանը մոտ 20 հրթիռ է արձակել Իսրայելի վրա։ Տեղական ժամանակով մոտավորապես ժամը 7-ին, օդային հարձակման մասին տագնապ է հնչեցվել։
Լրատվամիջոցները հայտնում են, որ Իսրայելի մի քանի քաղաքներում միաժամանակ լսվել են հզոր պայթյուններ։
Բեեր Շեբայից բացի՝ հրթիռները հարվածել են նաև Թել Ավիվին, Ռամատ Գանին և Հոլոնին՝ պատճառելով մեծ վնասներ։
Thе Times of Israel-ի փոխանցմամբ՝ մեկ մարդ ծանր վիրավորվել է, իսկ մոտ երկու տասնյակը՝ թեթև վնասվածքներ են ստացել Հոլոնում բալիստիկ հրթիռի հարվածից։ Հոլոնի Վոլֆսոնի բժշկական կենտրոնը հայտնում է, որ տեղում բուժում է ստանում հրթիռային հարվածի հետևանքով ծանր վիրավորված երեք և ընդհանուր առմամբ 16 մարդ։
Ռամատ Գանում հրթիռային հարվածի հետևանքով թեթև վնասվածքներ է ստացել մոտ 20 մարդ։ Վիրավորները տեղափոխվել են տեղի հիվանդանոցներ։
Իրանական IRNA լրատվական գործակալությունը հայտնում է, որ հինգշաբթի առավոտյան հրթիռային հարձակման ժամանակ Իրանի հիմնական թիրախներն են եղել Իսրայելի զինված ուժերի հրամանատարությունը և հետախուզության շտաբը, ինչպես նաև Իսրայելի հարավում Սորոկա հիվանդանոցի մոտակայքում գտնվող հետախուզական ճամբարը։
Թարգմանությունը՝ Էմմա Չոբանյանի
