05.04.2026 | 21:21
Բախվել են VAZ և KIA մակնիշների ավտոմեքենաները․ կան տուժածներ և զոհ
Անկարան հաստատում է՝ Ալիևը վաղը կայցելի Թուրքիա
Քաղաքականություն
18.06.2025 | 20:13
Անկարան հաստատում է, որ Ադրբեջանի նախագահ Իլհամ Ալիևը հունիսի 19-ին կայցելի Թուրքիա։ Թուրքիայի նախագահականի հաղորդակցության բաժնի ղեկավար Ֆահրեթթին Ալթունը հայտարարել է, որ Ադրբեջանի նախագահ Իլհամ Ալիևը 2025 թվականի հունիսի 19-ին կայցելի Թուրքիա Ռեջեփ Թայիփ Էրդողանի հրավերով։
«Այցի շրջանակներում նախագահ Ռեջեփ Թայիփ Էրդողանը և Ադրբեջանի նախագահ Իլհամ Ալիևը կմասնակցեն «Ադրբեջանական թաղամաս» անվամբ բնակելի թաղամասի բացման արարողությանը, որը Քահրամանմարաշում կառուցվել է Թուրքիայի և Ադրբեջանի կողմից 2023 թվականի փետրվարին մեր երկրում տեղի ունեցած երկրաշարժից հետո»,-ասվում է հայտարարության մեջ։
Նշվում է, որ այցի կապակցությամբ նախատեսվում է նաև մտքերի փոխանակում Թուրքիա-Ադրբեջան հարաբերությունների, ինչպես նաև տարածաշրջանային զարգացումների վերաբերյալ։
Հավելենք, հունիսի 20-ին էլ սպասվում է ՀՀ վարչապետ Նիկոլ Փաշինյանի այցը Թուրքիա։
Թարգմանությունը՝ Էմմա Չոբանյանի
