12.01.2026 | 01:05
«Բարսելոնան» հաղթեց «Ռեալին» ու դարձավ Իսպանիայի սուպերգավաթակիր․ ՏԵՍԱՆՅՈՒԹ
Փաշինյանի այցին ընդառաջ Ալիևը մեկնում է Թուրքիա
Քաղաքականություն
17.06.2025 | 16:18
Ադրբեջանի նախագահ Իլհամ Ալիևը ՀՀ վարչապետ Նիկոլ Փաշինյանի այցին ընդառաջ մեկնում է Թուրքիա։ Ադրբեջանական լրատվամիջոցների հաղորդմամբ՝ հունիսի 19-ին թուրքական Քահրամանմարաշում տեղի է ունենալու ադրբեջանական թաղամասի բացումը։Այս մասին հայտարարել է Թուրքիա-Ադրբեջան միջխորհրդարանական բարեկամության խմբի ղեկավար Շամիլ Այրիմը։
Նա հիշեցրել է, որ 2023 թվականի փետրվարին Քահրամանմարաշ քաղաքում տեղի ունեցած ավերիչ երկրաշարժից հետո, Ադրբեջանի նախագահ Իլհամ Ալիևի հանձնարարությամբ, բոլոր ուժերը մոբիլիզացվել են Թուրքիային օգնություն ցուցաբերելու համար.
«Ադրբեջանն իր վրա է վերցրել ավերված թաղամասի վերականգնումը, որը դարձել է երկու եղբայրական երկրների միջև ավելի ու ավելի ամրապնդվող բարեկամության և համերաշխության խորհրդանիշ», – ասել է նա։ Այրիմն ընդգծել է, որ թաղամասի բացմանը սպասվում է Ադրբեջանի և Թուրքիայի նախագահների մասնակցությունը։
Հիշեցնենք, որ այսօր ավելի վաղ ՀՀ ԱԺ նախագահ Ալեն Սիմոնյանը հայտարարել էր, որ վարչապետ Նիկոլ Փաշինյանը մոտ օրերս՝ հունիսի 20-ին, մեկնելու է Թուրքիա նախագահ Ռեջեփ Թայիփ Էրդողանի հրավերով։
Թարգմանությունը՝ Էմմա Չոբանյանի
