27.03.2026 | 23:30
Պորտուգալիայում քահանաների կողմից սեռական բռնության զոհերին ավելի քան 1,6 միլիոն եվրո փոխհատուցում է հատկացվել
Փաշինյանը Թուրքիա է մեկնում Էրդողանի հրավերով․ հայտնի է օրը․ ՏԵՍԱՆՅՈՒԹ
Քաղաքականություն
17.06.2025 | 15:32
Վարչապետ Նիկոլ Փաշինյանը մոտ օրերս՝ հունիսի 20-ին, մեկնելու է Թուրքիա նախագահ Ռեջեփ Թայիփ Էրդողանի հրավերով։ Այս տեղեկությունն այսօր հաստատել է ՀՀ ԱԺ նախագահ Ալեն Սիմոնյանը՝ չհստակեցնելով, թե այցն ինչպիսի՞ բնույթի է՝ աշխատանքայի՞ն, թե պաշտոնական։
«Բոլոր հարցերը քննարկվելու են։ Կարծում եմ՝ այցը պատմական է, քանի որ ՀՀ ղեկավարն առաջին անգամ նման մակարդակի այց է իրականացնելու»,- ասել է Սիմոնյանը՝ պնդելով, որ կարող են քննարկվել բոլոր հնարավոր հարցերը՝ ՀՀ-Թուրքիա հարաբերությունները, ռեգիոնալ ապաշրջափակումը, ՀՀ-Ադրբեջան խաղաղության համաձայնագրի կնքումը։ Սիմոնյանը չի կարծում, որ ճիշտ է Թուրքիան միջնորդ անվանել՝ հայ-ադրբեջանական հարաբերություններում։ «Հայաստանն ու Ադրբեջանը եթե որևէ երկրում, այդ թվում՝ ոչ տարածաշրջանային․․․ եթե որևէ մայրաքաղաքում խաղաղության պայմանագիր ստորագրեն, դա կլինի բոլորի շահերից»։ ԱԺ նախագահն ասել է՝ ՀՀ-ն և Ադրբեջանը միասին են ավարտին հասցրել նախագծի համաձայնեցումը, և երկու կողմը միասին կորոշեն՝ որտեղ կնքել պայմանագիր։
