24.06.2026 | 18:23
AI լուծումներ, աշխարհագրության ընդլայնում և շատ ավելին. Eventhub-ի նոր հնարավորություններն ու առաջարկները
ՄԱԳԱՏԷ-ն հայտնում է, որ Իրանում Իսրայելի հարձակումից վնասվել են ցենտրիֆուգների արտադրության օբյեկտներ
Քաղաքականություն
18.06.2025 | 23:01
Ատոմային էներգիայի միջազգային գործակալությունը ՝ ՄԱԳԱՏԷ-ն հայտարարել է, որ տեղեկություններ ունի Իրանում միջուկային օբյեկտների վնասման մասին։ ՄԱԳԱՏԷ-ն X-ում հայտարարության մեջ նշել է․
«ՄԱԳԱՏԷ-ն տեղեկություններ ունի, որ Իրանում հարվածի տակ են հայտնվել ցենտրիֆուգների արտադրության երկու օբյեկտ՝ TESA Քարաջ արհեստանոցը և Թեհրանի հետազոտական կենտրոնը։ Երկու օբյեկտներն էլ նախկինում գտնվում էին ՄԱԳԱՏԷ-ի մոնիթորինգի և ստուգման ներքո՝ որպես Համատեղ գործողությունների համապարփակ ծրագրի (ՀԳՀԾ) մաս»,-ասվում է գրառման մեջ։
Նշվում է, որ Թեհրանի օբյեկտում հարված է հասցվել մեկ շենքի, որտեղ արտադրվում և փորձարկվում էին առաջադեմ ցենտրիֆուգների ռոտորներ: Քարաջում ավերվել են երկու շենքեր, որտեղ արտադրվում էին տարբեր ցենտրիֆուգների բաղադրիչներ:
Հիշեցնենք, որ այսօր ավելի վաղ Իսրայելի բանակը հայտնել էր, որ գիշերը հարվածներ են հասցրել Իրանում գտնվող ուրանի ցենտրիֆուգների արտադրության օբյեկտներին և զենքի գործարաններին։ Գիշերային գործողություններին մասնակցել է ավելի քան 50 ինքնաթիռ։
Թարգմանությունը՝ Էմմա Չոբանյանի
