17.02.2026 | 23:22
ՀՀ ԱԳ նախարարի տեղակալը Հռոմում ներկայացրել է COP17-ի Հայաստանի նախագահության առաջնահերթությունները
Իսրայելը գիշերը հարվածներ է հասցրել Թեհրանում ցենտրիֆուգների արտադրության օբյեկտին և զենքի գործարաններին․ՏԵՍԱՆՅՈՒԹ
Քաղաքականություն
18.06.2025 | 11:00
Իսրայելի բանակը հայտարարել է, որ գիշերը հարվածներ են հասցրել Իրանում գտնվող ուրանի ցենտրիֆուգների արտադրության օբյեկտներին և զենքի գործարաններին։ Զինվորականները հայտնում են, որ գիշերային գործողություններին մասնակցել է ավելի քան 50 ինքնաթիռ։
Իսրայելի պաշտպանության բանակը նշում է, որ Թեհրանում գտնվող ցենտրիֆուգների արտադրության կայանն օգտագործվել է Իրանի կողմից՝ միջուկային զենք մշակելու նպատակով ուրանի հարստացման ծավալն ու տեմպը ընդլայնելու համար։
Նշվում է, որ հարձակման ենթարկվածն գործարանների թվում է եղել հումքի և բաղադրիչների արտադրամաս, որը «իրանական ռեժիմը օգտագործում է Իսրայելի ուղղությամբ արձակվող «երկիր-երկիր» դասի հրթիռների հավաքման համար, ինչպես նաև ինքնաթիռներ խոցելու համար նախատեսված «երկիր-օդ» դասի հրթիռների համար համակարգեր և բաղադրիչներ է արտադրում»։
BBC—ի հաղորդմամբ՝ Թեհրանի մոտ գտնվող հրթիռային գործարանից բացի, իսրայելական ինքնաթիռները հարվածել են նաև Թեհրանի արևելյան ծայրամասում գտնվող Իմամ Հուսեյնի անվան ռազմական համալսարանին։ Այս համալսարանը, ըստ բաց աղբյուրների, պատրաստում է անձնակազմ Իրանի Իսլամական հեղափոխության պահապանների կորպուսի համար։
Հիշեցնենք, որ Իրանն էլ իր հերթին է հարվածներ հասցրել Իսրայելին։ Իրանի Իսլամական հեղափոխության պահապանների կորպուսը (ԻՀՊԿ) հայտարարել է, որ Թեհրանը ուղերձ է հղել «Իսրայելի ռեժիմի հովանավոր Միացյալ Նահանգներին»՝ նոր, առաջադեմ հրթիռով իսրայելական թիրախներին հարվածելով։
Թարգմանությունը՝ Էմմա Չոբանյանի
