08.12.2025 | 23:30
Իլոն Մասկը կոչ է անում «վերացնել» ԵՄ-ն. Եվրահանձնաժողովին արգելվել է X-ում գովազդներ տեղադրել՝ 120 միլիոն եվրո տուգանքից հետո
Իրանում «Մոսադի» ենթադրյալ գործակալներ են ձերբակալվել
Քաղաքականություն
18.06.2025 | 14:41
Իրանը ձերբակալել է Իսրայելի «Մոսադ» հետախուզական գործակալության հինգ ենթադրյալ գործակալի՝ երկրի հեղինակությանը առցանց տիրույթում վնաս հասցնելու մեղադրանքով։ Այս մասին հայտնում է France 24-ը՝իրանական լրատվամիջոցներին հղումով։
«Այս վարձկանները փորձում էին վախ սերմանել հանրության շրջանում և արատավորել Իրանի Իսլամական Հանրապետության սրբազան համակարգի կերպարը՝ իրենց հաշվարկված առցանց գործունեության միջոցով», – Tasnim և ISNA լրատվական գործակալությունները մեջբերել են Իսլամական պահապանների կորպուսի հայտարարությունը։ Նշվում է, որ ձերբակալությունները կատարվել են Իրանի արևմտյան մասում։
Բացի այդ՝ հաղորդվում է նաև, որ Իրանի ոստիկանական ուժերը տարբեր նահանգներում որսացել են 14 անօդաչու թռչող սարք և նույնականացրել «թշնամական անօդաչու թռչող սարքեր արտադրող արհեստանոցներ և անօդաչու թռչող սարքեր տեղափոխող տրանսպորտային միջոցներ»։
Թարգմանությունը՝ Էմմա Չոբանյանի
