24.05.2026 | 10:37
«Համերգը մնում է օրակարգում»․ Ժաննա Անդրեասյանը՝ հուլիսին SOAD-ի համերգի չեղարկման մասին
Շոյգուն մեկ ամսում արդեն 2-րդ անգամ Փհենյան է այցելել
Քաղաքականություն
17.06.2025 | 15:40
ՌԴ Անվտանգության խորհրդի քարտուղար Սերգեյ Շոյգուն այս ամսվա ընթացքում արդեն երկրորդ անգամ Փհենյան է այցելել։ ՏԱՍՍ-ի փոխանցմամբ՝ նա բանակցություններ է անցկացնում ԿԺԴՀ առաջնորդ Կիմ Չեն Ընի հետ։ Այս մասին հայտնում է ՌԴ Անվտանգության խորհրդի մամուլի ծառայությունը։ Գերատեսչության տվյալներով՝ Փհենյանում սկսվել է Շոյգուի և ԿԺԴՀ պետական գործերի նախագահի հանդիպումը։
Շոյգուի այցը տեղի է ունենում Ռուսաստանի նախագահ Վլադիմիր Պուտինի հատուկ հանձնարարականով։ Սա Շոյգուի արդեն երրորդ այցն է ԿԺԴՀ վերջին երեք ամսվա ընթացքում, հունիսին արդեն երկրորդ այցը։
Նախորդ այցը տեղի էր ունեցել հունիսի 4-ին։ Այդ ժամանակ Շոյգուն բանակցություններ էր վարել նաև Կիմ Չեն Ընի հետ, «կողմերը քննարկել էին Ուկրաինայում ստեղծված իրավիճակը, Կուրսկի շրջանի վերականգնումը և շրջանի ազատագրմանը մասնակցած կորեացի մարտիկների հիշատակի պահպանման հարցերը»։
Թարգմանությունը՝ Էմմա Չոբանյանի
