Քաղաքականություն
16.06.2025 | 22:38
ԱՄՆ Մինեսոտա նահանգում Դեմոկրատական կուսակցության երկու պատգամավորի և նրանց կանանց վրա հարձակման մեջ կասկածվող 57-ամյա Վենս Լյութեր Բոլթերը ձերբակալվել է, գրում է DW-ի ռուսական ծառայությունը։
Բոլթերը ձերբակալվել է իրավապահ մարմինների կողմից գրեթե երկօրյա որոնումներից հետո։ Ձերբակալվածին մեղադրանք է առաջադրվել երկու մարդու սպանության ու ևս երկուսի սպանության փորձի համար։ Քննության տվյալներով՝ Բոլթերը ոստիկանական համազգեստով հունիսի 14-ին Մինեսոտայի Ներկայացուցիչների պալատի անդամ Մելիսա Հորթմանին և նրա ամուսնուն՝ Մարկին, կրակել և վիրավորել է նահանգային սենատոր Ջոն Հոֆմանին և նրա կնոջը։
Բոլթերի լքված մեքենայում հայտնաբերվել է 70 անունից բաղկացած ցուցակ, որոնց թվում են աբորտով զբաղվող բժիշկներ, Մինեսոտայից և այլ նահանգներից դեմոկրատ օրենսդիրներ: CNN-ը հաղորդել է, որ Բոլտերի հետ կապված տանը հայտնաբերվել է ևս մեկ ցուցակ՝ մոտ մեկ տասնյակ այլ անուններով:
Մինեսոտայի ոստիկանությունը Վենս Լյութեր Բոլթերի ձերբակալման գործողությունը անվանել է նահանգի պատմության մեջ ամենամասշտաբայինը։ Նրա դրդապատճառները դեռևս պարզված չեն։
«Որպես երկիր, մենք չենք կարող անտարբեր մնալ այս բռնության նկատմամբ։ Մենք խորապես բաժանված ազգ ենք։ Դա ավելի ակնհայտ է դարձել վերջին երկու օրերի ընթացքում»,- ասել է Մինեսոտայի նահանգապետ Թիմ Ուոլցը։
Թարգմանությունը՝ Էմմա Չոբանյանի
