14.09.2026 | 23:23
Պապիկյանի գլխավորած պատվիրակությունն աշխատանքային այցով մեկնել է Չինաստան
Ինչու ֆինանսների նախարարը չի տիրապետում բյուջետային թվերին. ՏԵՍԱՆՅՈՒԹ
Տնտեսություն
16.06.2025 | 20:36
ՀՀ ֆինանսների նախարար Վահե Հովհաննիսյանը, որն ի պաշտոնե պարտավոր է տիրապետել բյուջետային փաստաթղթերին, տնտեսության ցուցանիշներին, օրենքներին, այսօր ասուլիսի ժամանակ մի շարք հարցերի դժվարացավ պատասխանել՝ առանց աշխատակիցների հուշումների։
Ավելին՝ խոսելով տնտեսվարողների կողմից հարկեր վճարելուց խուսափելու պատճառների մասին, Հովհաննիսյանը նշեց, թե «հարկը չվճարելու տուգանքն ավելի ցածր է եղել, քան բանկային տոկոսադրույքները», մինչդեռ Հարկային օրենսգրքի համաձայն՝ հարկի վճարումը սահմանված ժամկետներից ուշացնելու դեպքում ժամկետանց յուրաքանչյուր օրվա համար սահմանված է տույժ, ոչ թե տուգանք (ՀՕ 401 հոդվածի 1-ին մաս):
Նախարարը նաև սխալվեց ՀՕ ընդունման ժամկետի հարցում՝ ասելով, թե Հարկային օրենսգիրքն ընդունվել է 2017 թվականին, մինչդեռ այն ընդունվել է 2016 թվականի հոկտեմբերի 4-ին։
Մնում է հուսալ, որ բյուջեն պլանավորելիս և հաշվարկելիս նման վրիպումներ չեն լինում։
Մանրամասները՝ տեսանյութում։
Գայանե Խաչատրյան
