08.09.2026 | 11:11
Լեռնանցքում երկու օր գազ չի լինի
Զախարովան հայտարարել է, որ Վաշինգտոնը չեղարկել է ռուս-ամերիկյան խորհրդակցությունների հերթական փուլը
Քաղաքականություն
16.06.2025 | 18:09
Վաշինգտոնի նախաձեռնությամբ չեղարկվել է երկկողմ հարաբերություններում «գրգռիչների» վերացման վերաբերյալ ռուս-ամերիկյան խորհրդակցությունների հերթական փուլը։ Այս մասին հայտարարել է Ռուսաստանի ԱԳ նախարարության պաշտոնական ներկայացուցիչ Մարիա Զախարովան, գրում է Ինտերֆաքսը։
«Այսօրվա դրությամբ՝ հերթական հանդիպումը երկկողմ խորհրդակցությունների շրջանակում երկու երկրների դիվանագիտական ներկայացուցչությունների գործունեության կարգավորման նպատակով հանդիպումը չեղարկվել է ամերիկացի բանակցողների նախաձեռնությամբ։ Մենք հույս ունենք, որ նրանց կողմից վերցրած դադարը չափազանց երկար չի լինի»,- ասվում է ԶԼՄ-ների հարցին Զախարովային պատասխանում, որը հրապարակվել է ՌԴ ԱԳՆ կայքում։
Ռուս-ամերիկյան խորհրդակցությունների առաջին փուլը տեղի էր ունեցել Ստամբուլում փետրվարի վերջին։ Երկրորդ փուլը նույնպես տեղի էր ունեցել Ստամբուլում՝ ապրիլի 10-ին։
Ռուսական պատվիրակությունը գլխավորել էր Վաշինգտոնում ՌԴ դեսպան Ալեքսանդր Դարչիևը, իսկ ամերիկյան պատվիրակությունը՝ պետքարտուղարի օգնականի տեղակալ Սոնատա Քոուլթերը։
Հավելենք, որ օրերս էլ Դարչիևը հայտարարել էր, որ Ռուսաստանի և ԱՄՆ-ի միջև բանակցությունները շուտով տեղի կունենան Մոսկվայում:
Թարգմանությունը՝ Էմմա Չոբանյանի
