08.09.2026 | 10:31
Պապոյանը Դուբայում քննարկել է հայկական կառուցապատման ոլորտը միջազգային հարթակներում ներկայացնելու հնարավորությունները
Պուտինն ու Էրդողանը դատապարտել են Իրանի դեմ Իսրայելի ռազմական գործողությունները
Քաղաքականություն
16.06.2025 | 16:40
ՌԴ նախագահ Վլադիմիր Պուտինի և Թուրքիայի նախագահ Ռեջեփ Թայիփ Էրդողանի հեռախոսազրույցում հիմնական ուշադրությունը դարձվել է Մերձավոր Արևելքում կտրուկ սրված իրավիճակին։ Կրեմլի հաղորդմամբ՝ երկրների ղեկավարները դատապարտել են Իսրայելի կողմից Իրանի դեմ ռազմական գործողությունները, որոնք ձեռնարկվել են ՄԱԿ-ի կանոնադրության և միջազգային իրավունքի այլ նորմերի խախտմամբ։
«Երկու կողմերն էլ լրջագույն մտահոգություն են հայտնել իրանա-իսրայելական հակամարտության շարունակական սրման կապակցությամբ, որն արդեն հանգեցրել է մեծ թվով զոհերի և հղի է ամբողջ տարածաշրջանի համար ծանր երկարաժամկետ հետևանքներով։ Առաջնորդները հանդես են եկել ռազմական գործողությունների անհապաղ դադարեցման և վիճելի, այդ թվում՝ իրանական միջուկային ծրագրին վերաբերող հարցերը բացառապես քաղաքական և դիվանագիտական միջոցներով կարգավորելու օգտին»,- ասվում է հաղորդագրության մեջ։
Համաձայնություն է ձեռք բերվել, որ այդ առումով երկու երկրների համապատասխան գերատեսչությունները կպահպանեն սերտ համագործակցությունը։
Թարգմանությունը՝ Էմմա Չոբանյանի
