17.07.2026 | 23:30
ԲԸՏՄ-ում քննարկվել են COP17-ի նախապատրաստական աշխատանքներն ու տեսչության մասնակցությունը
Իսրայելը հայտնել է Թեհրանում «Քուդս»-ի հրամանատարական կենտրոններին հարվածների մասին
Քաղաքականություն
16.06.2025 | 11:56
Իսրայելի բանակը հայտարարել է, որ ռազմաօդային ուժերի ինքնաթիռները հարձակվել են Թեհրանում «Քուդս» ուժերի հրամանատարական կենտրոնների վրա։ Իսրայելական բանակի մամուլի ծառայության X-ի միկրոբլոգում գրառմանը կից հրապարակված տեսանյութում նշված է 10 թիրախ։ Իսրայելական աղբյուրը պնդում է, որ թիրախները նույնականացվել են ճշգրիտ հետախուզական տվյալների հիման վրա, և որ այդ կենտրոններն օգտագործվել են Իսրայելի դեմ հարձակումներ ծրագրելու համար՝ «Մերձավոր Արևելքում իրանական ռեժիմի պրոքսիների միջոցով»։
Հարվածների հետևանքների մասին մանրամասներ չեն հաղորդվում։
«Ալ-Քուդս» հատուկ նշանակության ուժերը Իրանի Իսլամական հեղափոխության պահապանների կորպուսի կազմում գործող կազմավորում են, որոնք հատուկ գործողություններ են իրականացնում Իրանի սահմաններից դուրս։
Հիշեցնենք, որ Թեհրանն ավելի վաղ հաստատել էր, որ Իսրայելի հարվածների հետևանքով զոհվել են ԻՀՊԿ-ի հետախուզության ղեկավարը, նրա տեղակալն ու ևս մեկ գեներալ։
Իսրայելը հունիսի 13-ին հարձակում է սկսել Իրանի վրա՝ թիրախավորելով միջուկային օբյեկտները, ռազմական և էներգետիկ ենթակառուցվածքները: Հարվածների հետևանքով զոհվել են բարձրաստիճան զինվորականներ, միջուկային ոլորտի գիտնականներ և խաղաղ բնակիչներ։ Իրանը պատասխան հարվածներ է հասցնում Իսրայելի տարածքին:
Թարգմանությունը՝ Էմմա Չոբանյանի
