08.09.2026 | 12:54
Ֆինլանդիան Ռուսաստանի հետ սահմանին 200 կիլոմետրանոց ցանկապատ է կառուցել
Իսրայելում ԱՄՆ դեսպանատունը վնասվել է Իրանի հարվածներից․ ՏԵՍԱՆՅՈՒԹ
Քաղաքականություն
16.06.2025 | 11:21
Երուսաղեմում ԱՄՆ դեսպանատունը և Թել Ավիվում գտնվող հյուպատոսությունն այսօր փակ կլինեն՝ Իսրայելի և Իրանի միջև ռազմական լարվածության շարունակական սրման պատճառով, գրում է NBC News-ը։
Իսրայելում ԱՄՆ դեսպան Մայք Հաքաբին X-ի իր էջում գրառման մեջ նշել է, որ ԱՄՆ դիվանագիտական կորպուսի աշխատակիցներից ոչ մեկը չի տուժել, չնայած Թել Ավիվի դիվանագիտական ներկայացուցչության մերձակայքում «իրանական հրթիռային հարվածներից որոշ աննշան վնասներ են եղել»։
«ԱՄՆ դեսպանատունը և հյուպատոսությունն Իսրայելում այսօր պաշտոնապես փակ կմնան, քանի որ ապաստարանում մնալը դեռևս ուժի մեջ է։ Թել Ավիվում գտնվող ներկայացուցչության մոտ իրանական հրթիռային հարվածներից առաջացած ցնցումները որոշ աննշան վնասներ են պատճառել, սակայն ԱՄՆ անձնակազմի անդամների շրջանում վիրավորներ չկան»,- նշել է նա։
ԱՄՆ դեսպանատունը հրահանգել է բոլոր պետական աշխատակիցներին և նրանց ընտանիքի անդամներին ապաստան գտնել իրենց բնակության վայրերում և դրանց մոտակայքում՝ մինչև հետագա ծանուցում, ասվում է դեսպանատան հայտարարության մեջ։
Հավելենք, որ Իսրայելին Իրանի կողմից հասցված գիշերային հարվածների հետևանքով զոհվել է 5, վիրավորվել՝ ավելի քան 90 մարդ։
Թարգմանությունը՝ Էմմա Չոբանյանի
