05.12.2025 | 23:32
ԱԱ․ Բաչկովը հաղթել է ժամկետից շուտ, Մաշակարյանը և Հովհաննիսյանը ևս շարժվում են առաջ
Իրանի ԱԳՆ․ Հանրապետությունը պատրաստ է համաձայնագրի, որը կերաշխավորի միջուկային զենքի բացակայությունը
Քաղաքականություն
15.06.2025 | 11:38
Իրանն արձանագրել է, որ պատրաստ է կնքել համաձայնագիր, որը երաշխավորում է, որ Իրանը չի ունենա միջուկային զենք։ Այս մասին հայտարարել է երկրի Արտաքին գործերի նախարար Աբբաս Արաղչին, փոխանցում է РИА Новости-ն։
Նա ընդգծել է, որ եթե պայմանագրի նպատակը Իրանի օրինական միջուկային իրավունքներից զրկելն է, ապա երկիրը նման համաձայնության պատրաստ չէ։
Նախարարը նաև նշել է, որ Թեհրանը կդադարեցնի հարվածները Իսրայելին, եթե վերջինս դադարեցնի հարձակումները Իրանի վրա։
«Մենք պատրաստ ենք ցանկացած համաձայնագրի, որի նպատակն է ապահովել, որ Իրանը չունենա միջուկային զենք, քանի որ մեր սկզբունքով միջուկային զենքն արգելված է։ Բայց եթե նպատակը Իրանին իր միջուկային իրավունքներից զրկելն է, բնականաբար, մենք նման համաձայնության չենք գնա»,-ասել է նա դեսպանների հետ հանդիպման ժամանակ։
Հիշեցնենք՝ Իսրայելն ու Իրանը միմյանց տարածքների վրա հարվածներ են սկսվել հասցնել հունիսի 13-ից։ Իսրայելի զինուժը հարձակվել է Իրանի տարածքի վրա՝ փորձելով ոչնչացնել այդ երկրի միջուկային ծրագիրը։ Արդյունքում զոհվել են զինվորականներ, գիտնականներ և խաղաղ բնակիչներ։ Իրանն ի պատասխան սկսել է հարվածներ հասցնել Իսրայելի տարածքին։
