16.07.2026 | 23:29
Հետաքննությունը պարզել է, որ Ալիևի թոռներն անօրինական կերպով օգտագործում են պաշտոնական լիմուզիններն և անվտանգության մեքենաները
Զոհեր և հարյուրավոր վիրավորներ․ Իսրայելը՝ իրանական հարվածներից հետո
Քաղաքականություն
15.06.2025 | 10:44
Իրանը հրթիռային հարված է հասցրել Իսրայելին։ Բաթ Յամ քաղաքում, որը գտնվում է Թել Ավիվի արվարձանում, բնակելի շենք է փլուզվել, փոխանցում է Meduza-ն։
Հրթիռային հարձակման հետևանքով, որը տեղի է ունեցել հունիսի 15-ի գիշերը, զոհվել է առնվազն 10 մարդ, իսկ վիրավորվել՝ ավելի քան 200-ը։
Բաթ Յամ քաղաքում բալիստիկ հրթիռը հարվածել է բազմահարկ բնակելի շենքի։ Համացանցում տեսանյութ է տարածվել, որում, ըստ պնդումների, երևում է հարվածի պահը։
Իսրայելական իշխանությունների տվյալներով, Բաթ Յամի շենքին հասցված հարվածի հետևանքով զոհվել է 6 մարդ, այդ թվում՝ ութամյա մի աղջիկ։ Մոտ 180 մարդ վիրավորվել է։ 7 մարդ համարվում է անհետ կորած։
Իսրայելի հյուսիսում գտնվող Թամրա քաղաքում, իշխանությունների հաղորդմամբ, զոհվել է ևս 4 մարդ։ Կենտրոնական Իսրայելի Ռեխովոտ քաղաքում Իրանի հարձակման հետևանքով վիրավորվել է 40 մարդ։
Հիշեցնենք՝ Իսրայելն ու Իրանը միմյանց տարածքների վրա հարվածներ են սկսվել հասցնել հունիսի 13-ից։ Իսրայելի զինուժը հարձակվել է Իրանի տարածքի վրա՝ փորձելով ոչնչացնել այդ երկրի միջուկային ծրագիրը։ Արդյունքում զոհվել են զինվորականներ, գիտնականներ և խաղաղ բնակիչներ։ Իրանն ի պատասխան սկսել է հարվածներ հասցնել Իսրայելի տարածքին։
