05.04.2026 | 21:21
Բախվել են VAZ և KIA մակնիշների ավտոմեքենաները․ կան տուժածներ և զոհ
Նրանք, ում հետ ես բանակցում էի, մահացել են, բայց ոչ գրիպից կամ COVID-ից․ Թրամփը՝ իրանցի պաշտոնյաների մահվան մասին
Քաղաքականություն
14.06.2025 | 16:17
ԱՄՆ նախագահ Դոնալդ Թրամփը հեգնել է Իսրայելի վերջին ավիահարվածներից հետո իրանցի պաշտոնյաների մահվան առիթով։ Foxnews-ի փոխանցմամբ, այս մասին է իր տեսանյութում պատմում CNN-ի լրագրող Դանա Բաշը։
Նշվում է, որ Բաշը ուրբաթ օրը խոսել է Թրամփի հետ ու հարցրել պետքարտուղար Մարկո Ռուբիոյի՝ Իսրայելի հարվածների վերաբերյալ նախնական հայտարարության մասին, ուր հստակորեն չէր ասվում, թե արդյո՞ք ԱՄՆ-ն աջակցում է Իսրայելին։
«Մենք, իհարկե, աջակցում ենք Իսրայելին, և աջակցել ենք նրան այնպես, ինչպես ոչ ոք երբեք չի աջակցել, – ասել է Թրամփը։ -Դա շատ հաջողված հարձակում էր։ Իրանը պետք է լսեր ինձ։ Գիտե՞ք, ես նրանց 60-օրյա նախազգուշացում տվեցի։ Եվ այսօր 61-րդ օրն է»։
Ապա Թրամփը հավելել է, թե՝ «Նրանք հիմա պետք է գան բանակցությունների սեղանի շուրջ՝ համաձայնության գալու համար, քանի դեռ ուշ չէ։ Նրանց համար կարող է շատ ուշ լինել։ Գիտեք, այն մարդիկ, որոնց հետ ես գործ ունեի (բանակցում էի-խմբ), մահացել են»։
«Դա երեկվա հարձակման հետևանքն է՞», – հարցրել է լրագրող Բաշը։
«Այո։ Նրանք գրիպից չեն մահացել։ Նրանք COVID-ից չեն մահացել», – պատասխանել է ԱՄՆ նախագահը ու լրագրողի ներկայացմամբ՝ «բավականին հեգնականորեն» է ասել։
Հիշեցնենք, որ Իսրայելը հունիսի 13-ի վաղ առավոտյան հարձակվել է Իրանի վրա։ Հարվածների ժամանակ նահատակվել են Իրանի զինված ուժերի շտաբի պետ, գեներալ-մայոր Մոհամմադ Հոսեյն Բաքերին, Իսլամական հեղափոխության պահապանների կորպուսի հրամանատար, գեներալ-մայոր Հոսեյն Սալամին, Իրանի «Խաթամ ալ-Անբիա» կենտրոնական շտաբի հրամանատար, գեներալ-մայոր Ղոլամ Ալի Ռաշիդը, ԻՀՊԿ-ի ավիատիեզերական ուժերի հրամանատար, գեներալ-մայոր Ամիր Ալի Հաջիզադեն և առնվազն վեց իրանցի միջուկային գիտնականներ։ Մահացել է Իրանի 78 քաղաքացի, վիրավորվել 320-ը։
Իրանն ի պատասխան հրթիռային երեք հարձակում է գործել Իսրայելի վրա։ Իսրայելը հայտնել է 4 զոհի և 70-ից ավելի վիրավորների մասին, ինչպես նաև Թել Ավիվում ու Ռամաթ Գանում ավերածությունների ու շինությունների փլուզումների մասին։ Նշվում է, որ փլատակների տակ մարդիկ կան։
Թարգմանությունը՝ Անահիտ Խաչատրյանի
