Իրանը կոչ է արել ՄԱԿ-ի ԱԽ-ին պատասխանատվության ենթարկել Իսրայելին 

Լուրեր

22.11.2026 | 21:17
Հայաստանի էներգահամակարգը հարևան մյուս երկու երկրների համակարգերին ինտեգրելը ՀԷՑ-ի հետ կապելը մանիպուլյացիա է․ Ռոմանոս Պետրոսյան
22.11.2026 | 21:01
Փակ և դժվարանցանելի ճանապարհներ Հայաստանում․ Փրկարար ծառայությունը տեղեկացնում է
22.11.2026 | 20:00
Շինաղբի սարեր Հայաստանի ձորերում․ կառուցապատման բումի անտեսված ՇԵՐՏԵՐԸ. ՏԵՍԱՆՅՈւԹ
22.11.2026 | 19:25
COP31-ի մասնակիցներին չի հաջողվել համաձայնեցնել եզրափակիչ հայտարարությունը․ համաժողովն ավարտվել է սկանդալով
22.11.2026 | 18:54
«Պալաչ» մականունով հայտնի Արթուր Հարությունյանը ԿԸՀ դատարկ հայտարարագիր է ներկայացրել
22.11.2026 | 18:31
Երևանի Մալաթիա-Սեբաստիա վարչական շրջանի մի շարք հասցեներում ջրանջատում կլինի
22.11.2026 | 18:13
Ֆրանսիայում տասնյակ հազարավոր մարդիկ կրկին դուրս են եկել բողոքի ցույցերի
22.11.2026 | 17:52
Հայաստանի մի շարք շրջաններում ձյուն և ձնախառն անձրև է տեղում
22.11.2026 | 17:32
Պաշտպանության փոխնախարար Կարեն Բրուտյանն այցելել է զորամասեր և ամրացված շրջաններ
22.11.2026 | 17:11
Դատարանը մերժել է Վալերիյ Օսիպյանից պետության նվիրած բնակարանը բռնագանձելու՝ Դատախազության պահանջը
22.11.2026 | 16:34
Ռազմական ոստիկանությունը կուժեղացնի պայքարը քրեական ենթամշակույթի և արատավոր բարքերի դեմ
22.11.2026 | 15:59
Արմավիրի մարզի մի շարք բնակավայրերում փորձարկվելու են էլեկտրական շչակներ․ ՓԾ
22.11.2026 | 15:13
Նոյեմբերի 22-ին Դավթաշենի 4-րդ թաղամասում ջուր չի լինի
22.11.2026 | 14:50
Կրասնոդարի երկրամասում ուկրաինական անօդաչուների հարձակման հետևանքով 5 մարդ է տուժել․ հնարավոր է՝ թիրախավորվել է Ռոսգվարդիայի շենքը
22.11.2026 | 14:29
Նոյեմբերի 22-ին Գորիսի մի շարք հասցեներում ջուր չի լինի
Բոլորը

ՄԱԿ-ում Իրանի մշտական ​​ներկայացուցիչ Ամիր Սաիդ Իրավանին շաբաթ օրը ելույթ է ունեցել ՄԱԿ-ի Անվտանգության խորհրդի արտակարգ նիստում՝ Իսլամական Հանրապետության դեմ Իսրայելի ռազմական ագրեսիայից հետո․ գրում է Nour News-ը։

Նա կոչ է արել ՄԱԿ-ի Անվտանգության խորհրդին «խստորեն դատապարտել» Իսրայելի կողմից «անօրինական ագրեսիան» և պահանջել է միջազգային մարմնի կողմից անհապաղ և կոնկրետ միջոցներ ձեռնարկել՝ Իսրայելին պատասխանատվության ենթարկելու և միջազգային խաղաղության և անվտանգության հետագա անկայունացումը կանխելու համար։

Իսրայելը ուրբաթ առավոտյան նախապես պլանավորված և համակարգված մի շարք  հարձակումներ է սկսել՝ թիրախավորելով Իրանի բազմաթիվ քաղաքներ, այդ թվում՝ միջուկային օբյեկտներ և կենսականորեն կարևոր քաղաքացիական ենթակառուցվածքներ։

Պատվիրակը Իրանի Նաթանզի միջուկային կայանը անվանել է հիմնական թիրախ։

«Այս հանցավոր և վայրենի հարձակումների հետևանքով զոհվել է առնվազն 78 մարդ, այդ թվում՝ բարձրաստիճան զինվորականներ և անմեղ քաղաքացիական անձինք, որոնց թվում են կանայք և երեխաներ, իսկ ավելի քան 320-ը վիրավորվել են», – ասել է նա ներկաներին։

Իրավանին վերջին հարվածները որակել է որպես ահաբեկչական գործողություններ և կանխամտածված կոտորած, որոնք խախտում են միջազգային իրավունքը։

Դեսպանը քննադատել է ՄԱԿ-ի Անվտանգության խորհրդին և ՄԱԿ-ի միջուկային գործակալությանը Իրանի կողմից իր միջուկային օբյեկտների նկատմամբ Իսրայելի սպառնալիքների վերաբերյալ բազմիցս նախազգուշացումներին ի պատասխան անգործության համար՝ մեղադրելով նրանց Իսրայելի ագրեսիան սրելու և կարմիր գծերը հատելու խրախուսելու մեջ։

Իրավանին ընդգծել է պահպանվող միջուկային օբյեկտների վրա հարձակումների հնարավոր աղետալի ռադիոլոգիական հետևանքները՝ զգուշացնելով, որ հետևանքները կարող են տարածվել Իրանի սահմաններից շատ ավելի հեռու։

Ի դեպ նշենք, որ Միջուկային և ռադիացիոն անվտանգության գիտատեխնիկական կենտրոնի մասնագետները Սյունիքի մարզում ռադիոակտիվ ֆոնի չափումներ են իրականացրել։ Չափումները կատարվել են մի շարք բնակավայրերում, այդ թվում՝ Մեղրի, Ագարակ և Քաջարան համայնքներում։  Նշվել է, որ այս պահին Հայաստանի հարավային շրջաններում բնական ռադիոակտիվ ֆոնի որևէ փոփոխություն չի արձանագրվել։

Ամիր Սաիդ Իրավանին ասել է, որ Իսրայելի ագրեսիան նաև խախտել է Իրաքի ինքնիշխանությունը, որի օդային տարածքը օգտագործվել է ագրեսիայի համար, և ՄԱԿ-ում Իրաքի մշտական ​​​​ներկայացուցչությունը պաշտոնապես բողոքարկել է խախտումը։

Դեսպանը Միացյալ Նահանգներին պատասխանատու է համարել Իսրայելի հարվածները հնարավոր դարձնելու համար՝ հղում անելով Վաշինգտոնի հետախուզական, քաղաքական աջակցությանը և զենքի փոխանցումներին։

«Միացյալ Նահանգների մեղսակցությունն այս ահաբեկչական գործողություններին անհերքելի է», – ասել է նա։

Իրանը վերահաստատել է ինքնապաշտպանության իր իրավունքը՝ համաձայն ՄԱԿ-ի կանոնադրության 51-րդ հոդվածի։

Հիշեցնելով Անվտանգության խորհրդի 487 (1981) բանաձևը, որը դատապարտում էր Իսրայելի նախորդ հարձակումը Իրաքի Օսիրակի միջուկային ռեակտորի վրա, Իրավանին կոչ է արել խորհրդին պահպանել միջազգային իրավունքը և պատասխանատվության ենթարկել Իսրայելին։ Նա ընդգծել է, որ տասնամյակների անգործությունը և երկակի չափանիշները խրախուսել են Իսրայելի ագրեսիվ վարքագիծը։

«Հիմա չգործելու ցանկացած անկարողություն, կնշանակի միջազգային համակարգի փլուզում և կհանգեցնի քաոսի», – զգուշացրել է նա։

 

Թարգմանությունը՝ Անահիտ Խաչատրյանի