24.04.2026 | 00:23
Սպերցյանի գոլն օգնել է «Կրասնոդարին» հաղթել «Սպարտակին»․ ՏԵՍԱՆՅՈՒԹ
Իրան-Իսրայել հակամարտությամբ պայմանավորված՝ դեպի Երևան և Երևանից որոշ չվերթներ չեղարկվել են
14.06.2025 | 12:34
Իսրայելի և Իրանի միջև լարվածությամբ պայմանավորված՝ դեպի Հայաստան և Երևանից որոշ չվերթներ դարձյալ չեղարկվել են:
«Զվարթնոց» օդանավակայանից տեղեկանում ենք, որ հունիսի 14-ին չեղարկվել են Երևանից դեպի Շարժա և Աբու Դաբի AirArabia ավիաընկերության չվերթները։
AirArabia-ն չեղարկել է նաև Շարժայից և Աբու Դաբիից հակառակ ուղղությամբ չվերթները:
Fly Dubai ավիաընկերությունը չեղարկել է Դուբայից դեպի Երևան չվերթը։
Իսրայելը հունիսի 13-ի վաղ առավոտից հարվածներ էր հասցրել Իրանի տարածքին՝ թիրախավորելով Իրանի ռազմական և միջուկային օբյեկտները։ Ավելի ուշ Իրանը պատասխանել էր՝ Իսրայելի ուղղությամբ հրթիռային հարվածների ալիքներ հասցնելով։ Կողմերն այս պահին էլ շարունակում են փոխադարձ հարվածներ հասցնել միմյանց։ Իսրայելի և Իրանի օդային տարածքները շարունակում են փակ մնալ։
Նշենք, որ հունիսի 13-ին ևս Հայաստանից և դեպի Հայաստան որոշ չվերթներ չեղարկվել էին։
