05.10.2026 | 23:19
Փաշինյանը նոր նշանակումներ է արել
Չեղարկվել են Երևանից դեպի Իսրայել, Իրան և ԱՄԷ չվերթները
13.06.2025 | 09:39
Իսրայելի կողմից Իրանին հասցված ավիահարվածներից հետո տարածաշրջանում ստեղծված լարվածության պայմաններում չեղարկվել և հետաձգվել են դեպի Իսրայել, Իրան և Միացյալ Արաբական Էմիրություններ չվերթները։ Այս մասին Factor.am-ը տեղեկանում է «Զվարթնոց» օդանավակայանի պաշտոնական կայքից։
Չեղարկվել են «FlyOne» ավիաընկերության Թել Ավիվ-Երևան-Թել Ավիվ, «Fly Dubai»-ի Դուբայ-Երևան-Դուբայ և «Wizz Air» ընկերության Աբու Դաբի-Երևան-Աբու Դաբի չվերթները։
«Armenia Airways»-ի Թեհրան-Երևան-Թեհրան չվերթը հետաձգվել է։
Հիշեցնենք, որ Իսրայելի ռազմաօդային ուժերը հարձակվել են Թեհրանի մոտակայքում գտնվող առնվազն վեց ռազմական բազաների վրա։ Ըստ իրանական IRNA գործակալության` իսրայելական հարվածների հետևանքով զոհվել են «Իսլամական հեղափոխության պահապանների կորպուսի» հրամանատար գեներալ Հոսեյն Սալամին, Իրանի զինված ուժերի գլխավոր շտաբի պետ Մոհամադ Բաղերին, միջուկային գիտնական, «Իսլամական ազատ համալսարանի» նախագահ Մոհամմադ-Մեհդի Թեհրանչին և «Իրանի ատոմային էներգիայի կազմակերպության» նախկին ղեկավար, միջուկային գիտնական Ֆերեյդուն Աբբասին։
Անի Թամրազյան
