07.09.2026 | 23:24
Հայկական պտուղ-բանջարեղենի արտահանումը ԱՄԷ․ Պապոյանը քննարկել է ծավալների ավելացումը
Թրամփն Իսրայելի գործողությունն անվանել է «շատ հաջողված հարձակում» և հայտնել՝ ինքն ու իր թիմը տեղյակ են եղել
Քաղաքականություն
13.06.2025 | 20:47
ԱՄՆ նախագահ Դոնալդ Թրամփը Wall Street Journal-ին տված հարցազրույցում հայտարարել է, որ ինքն ու իր թիմը տեղյակ են եղել, որ Իսրայելը ծրագրում է հարձակվել Իրանի վրա, փոխանցում է BBC-ն։
Հարցին՝ ի՞նչ նախազգուշացում է ստացել Միացյալ Նահանգները հարձակումից առաջ, Թրամփը պատասխանել է. «Զգուշացո՞ւմ։ Դա նախազգուշացում չէր։ Մենք գիտեինք, թե ինչ է կատարվում»։
Թրամփը նշել է, որ հինգշաբթիը խոսել է Իսրայելի վարչապետ Բենիամին Նեթանյահուի հետ, նախատեսում է կրկին խոսել նաև ուրբաթ։ Զրույցի մասին ավելի վաղ հայտարարել էր նաև Նեթանյահուի գրասենյակը։
WSJ-ն գրում է,որ Թրամփը գործողությունն անվանել է «մեղծ ասած՝ շատ հաջողված հարձակում»։
Հարցին՝ ի՞նչ ազդեցություն կարող է ունենալ Իսրայելի հարձակումը տնտեսության վրա, Թրամփը պատասխանել է․ «Կարծում եմ, որ դա, վերջին հաշվով, հիանալի կլինի շուկայի համար, քանի որ Իրանը միջուկային զենք չի ունենա։ Դա պետք է լինի շուկայի համար ամենակարևոր բանը։ Իրանը չի ունենա միջուկային զենք, որը մեծ սպառնալիք կներկայացնի մարդկության համար»։
Հիշեցնենք, որ ավելի վաղ Թրամփը հայտարարել էր, որ հաջորդ հարձակումներն ավելի դաժան կլինեն, ուստի Իրանը պետք է գործարք կնքի։
Թարգմանությունը՝ Էմմա Չոբանյանի
