06.05.2024 | 12:45
Ինչ ասել եմ, ճիշտ եմ ասել. Սիմոնյանը՝ Մոսկվայի վերաբերյալ արած հայտարարության մասին․ ՏԵՍԱՆՅՈՒԹ
Փաշինյանն ու Վիետնամի փոխվարչապետը հեռանկարային են համարել առողջապահության ոլորտում համագործակցությունը. ՏԵՍԱՆՅՈՒԹ
Քաղաքականություն
12.10.2018 | 12:41
Վարչապետ Նիկոլ Փաշինյանը Վիետնամի փոխվարչապետ, արտաքին գործերի նախարար Ֆան Բին Մինի հետ քննարկել է հայ-վիետնամական հարաբերությունների զարգացմանը վերաբերող մի շարք հարցեր՚ տեղեկացնում են ՀՀ վարչապետի աշխատակազմից:
Կողմերն անհրաժեշտ են համարել տնտեսության ոլորտում փոխգործակցությանը նոր թափ հաղորդելը և համոզմունք հայտնել, որ առկա է մեծ ներուժ: Զրուցակիցները նշել են, որ առևտրատնտեսական ծավալների ավելացմանը մեծապես կնպաստի գյուղատնտեսության, թեթև արդյունաբերության, մեքենաշինության, տեղեկատվական տեխնոլոգիաների ոլորտներում երկու երկրների միջև հետևողական քայլերի իրականացումը: Երկուստեք հեռանկարային է համարվել համագործակցությունը նաև առողջապահության ոլորտում, այդ թվում` համատեղ կրթական փոխանակության ծրագրերի իրականացումը:
Հայաստանի վարչապետը և Վիետնամի փոխվարչապետն ընդգծել են դիվանագիտական կապերի զարգացման և բարձր մակարդակի փոխայցելությունների կազմակերպման կարևորությունը:
