07.09.2026 | 23:24
Հայկական պտուղ-բանջարեղենի արտահանումը ԱՄԷ․ Պապոյանը քննարկել է ծավալների ավելացումը
ԱՄՆ պետքարտուղարը 2022 թվականից ի վեր առաջին անգամ շնորհավորել է Ռուսաստանի օրվա կապակցությամբ
Քաղաքականություն
12.06.2025 | 12:53
ԱՄՆ Պետքարտուղարության կայքում հրապարակվել է պետքարտուղար Մարկո Ռուբիոյի շնորհավորական ուղերձը Ռուսաստանի օրվա կապակցությամբ՝ «ամերիկյան ժողովրդի անունից»։
«Ամերիկյան ժողովրդի անունից ցանկանում եմ շնորհավորել ռուս ժողովրդին Ռուսաստանի օրվա կապակցությամբ։ Միացյալ Նահանգները շարունակում է հանձնառու լինել՝ աջակցել ռուս ժողովրդին ավելի լուսավոր ապագայի իրենց ձգտումների զարգացման գործում։ Մենք նաև օգտվում ենք այս հնարավորությունից՝ վերահաստատելու Միացյալ Նահանգների ցանկությունը՝ կառուցողական համագործակցություն հաստատել Ռուսաստանի Դաշնության հետ՝ Ռուսաստանի և Ուկրաինայի միջև կայուն խաղաղություն հաստատելու համար»,- ասվում է հաղորդագրության մեջ։
Նշվում է, թե ԱՄՆ-ը հույս ունի, որ խաղաղությունը կնպաստի երկու երկրների միջև ավելի փոխշահավետ հարաբերություններին։
Վերջին անգամ ԱՄՆ պետքարտուղարը ռուսներին շնորհավորել էր 2022 թվականին։ Այդ ժամանակ այս պաշտոնը զբաղեցնում էր Էնթոնի Բլինքենը։
Թարգմանությունը՝ Էմմա Չոբանյանի
