Քաղաքականություն
11.06.2025 | 21:55
Ռուսաստանում դատարանը հեռակա կարգով 18 տարվա ազատազրկման է դատապարտել ընդդիմադիր քաղաքական գործիչ և Ալեքսեյ Նավալնիի համախոհ Լեոնիդ Վոլկովին։ Բացի այդ, նա տուգանվել է 2 միլիոն ռուբլով, արգելվել է ինտերնետում որևէ գործունեությամբ զբաղվել։
Նրա գործը ներառում է 45 դրվագ Քրեական օրենսգրքի ինը հոդվածով՝ ռազմական «կեղծիքների» տարածում, ահաբեկչության արդարացում, հատկապես մեծ մասշտաբի խարդախություն, վանդալիզմ, նացիզմի վերականգնում, անչափահասներին հանրահավաքներին ներգրավում, ծայրահեղական համայնքի կազմակերպումը և դրա ֆինանսավորում, ինչպես նաև քաղաքացիների անհատականությունն ու իրավունքները խախտող ոչ առևտրային կազմակերպության ստեղծում։
2021 թվականին Ռուսաստանի Ներքին գործերի նախարարությունը Վոլկովին նկատմամբ դաշնային հետախուզում էր հայտարարել՝ անչափահասներին հանրահավաքներին ներգրավելու գործով։
2022 թվականի ամռանը հաղորդվել էր, որ նրա դեմ հարուցվել են գործեր «ահաբեկչությունը արդարացնելու» և ռուսական բանակի մասին «կեղծիքների» համար։
Թարգմանությունը՝ Էմմա Չոբանյանի
