16.07.2026 | 23:29
Հետաքննությունը պարզել է, որ Ալիևի թոռներն անօրինական կերպով օգտագործում են պաշտոնական լիմուզիններն և անվտանգության մեքենաները
Ավստրիական Գրացի դպրոցում հրաձգություն իրականացրած երիտասարդի հայրը հայ է․ Kronen Zeitung
Քաղաքականություն
11.06.2025 | 20:21
Ավստրիայի Գրաց քաղաքի դպրոցում նախօրեին տեղի ունեցած հրաձգությունն իրականացրել է 21-ամյա Արթուր Ա․-ն։ Այս մասին հայտնում է Kronen Zeitung-ը։
Նշվում է, որ Արթուր Ա․-ն ապրում էր Կալցդորֆում՝ Գրացի մոտ, միայնակ մոր հետ, որը նույնպես ավստրիացի է։ Նրա հայրը հայ է։
DW-ն էլ հայտնում է, որ Արթուր Ա.-ի տանը հայտնաբերվել է չգործող խողովակային ռումբ և դրա օգտագործման պլանը: Իրավապահ մարմինների աշխատակիցները կարծում են, որ երիտասարդը հրաժարվել է պայթյուն իրականացնել։ Հայտնի է, որ 21-ամյա Ա.-ն ապրել է մոր բնակարանում, հայրը՝ առանձին: Կրակողի դրդապատճառները դեռևս անհայտ են:
Դպրոցի վրա հարձակման զոհերը 14-ից 17 տարեկան 9 դեռահասներ են՝ վեց աղջիկ և երեք տղա, ինչպես նաև մեկ ուսուցիչ, որը հիվանդանոցում մահացել է ստացած վնասվածքներից։ Դեռահասներից մեկը Լեհաստանի քաղաքացի էր, մյուսները՝ Ավստրիայի քաղաքացիներ։
Հարձակվող Արթուրը ևս մահացել է դեպքի վայրում՝ ինքն իրեն կրակելու հետևանքով։ Նա մահացած է հայտնաբերվել զուգարանում։
Եվս 11 վիրավորներ՝ 15-ից 26 տարեկան, դեռևս գտնվում են Գրացի հիվանդանոցներում։ Նրանցից ութը Ավստրիայի քաղաքացիներ են, երկուսը՝ Ռումինիայի, իսկ մեկը՝ Իրանի։
Ավելի վաղ հայտնի էր դարձել, որ հարձակումից առաջ Արթուր Ա.-ն հրաժեշտի նամակ է թողել Գրաց-Ումգեբունգ շրջանում գտնվող իր տանը, որը ոստիկանության աշխատակիցները գտել են խուզարկության ժամանակ: Reuters-ը մանրամասնել է, որ ոչինչ չի ասվում կրակողի դրդապատճառների մասին: Միևնույն ժամանակ, դրանից հետևում է, որ նա իրեն զգացել է հոգեբանական բռնության զոհ: Ավստրիայի ներքին գործերի նախարար Գերհարդ Կարները հայտարարել է, որ Արթուր Ա.-ն սովորել է Դրեյշյուցենգասեի գիմնազիայում բայց չի ավարտել այն:
Թարգմանությունը՝ Էմմա Չոբանյանի
