29.04.2026 | 18:39
Ադրբեջանցի դիվանագետը ազատազրկման է դատապարտվել 70 կիլոգրամ ոսկու մաքսանենգության համար
ՌԴ ՊՆ-ն մեկնաբանել է Ուկրաինային հասցված զանգվածային հարվածը
Քաղաքականություն
06.06.2025 | 18:09
ՌԴ Պաշտպանության նախարարությունն Ուկրաինայի գիշերային զանգվածային հարձակումն անվանել է «Կիևի ռեժիմի ահաբեկչական գործողությունների պատասխան»։ Ռուսական գերատեսչության հայտարարության մեջ ասվում է, որ հարվածը հասցվել է «հեռահար օդային, ծովային և ցամաքային զենքերից ինչպես նաև հարվածային անօդաչու թռչող սարքերով», փոխանցում է BBC-ի ռուսական ծառայությունը։
Ռուսաստանի ռազմական գերատեսչությունը պնդում է, որ թիրախները եղել են ռազմական օբյեկտները, ինչպիսիք են հարվածային անօդաչու թռչող սարքերի հավաքման արտադրամասերը և Ուկրաինայի զինված ուժերի զենքի ու ռազմական տեխնիկայի պահեստները։
Հիշեցնենք, որ Ռուսաստանը հարձակվել է Ուկրաինայի վրա հունիսի 5-ի լույս 6-ի գիշերը։ Ուկրաինայի նախագահ Վլադիմիր Զելենսկին ավելի վաղ հայտարարել էր, որ հարձակման ժամանակ զոհվել է երեք մարդ, ևս գրեթե 50-ը՝ վիրավորվել։ Նրա խոսքով՝ Ռուսաստանը հարվածել է «գրեթե ամբողջ Ուկրաինային»։
Զելենսկին հայտնել էր, որ, ընդհանուր առմամբ, հարվածի ժամանակ օգտագործվել է ավելի քան 400 անօդաչու թռչող սարք և ավելի քան 40 հրթիռ, այդ թվում՝ բալիստիկ հրթիռներ։
«Վիրավորվել է 49 մարդ։ Ցավոք, թիվը կարող է աճել, մարդիկ օգնություն են խնդրում։ Այս պահին մահացել է երեք մարդ։ Սրանք Ուկրաինայի պետական արտակարգ իրավիճակների ծառայության աշխատակիցներ են։ Իմ անկեղծ ցավակցությունները հարազատներին։ Բոլոր անհրաժեշտ ծառայությունները ներկայումս աշխատում են տեղում, մաքրում են փլատակները, և փրկարարական գործողություններ են ընթանում։ Մենք անպայման կվերականգնենք բոլոր վնասները»,- նշել էր Ուկրաինայի նախագահը։
Թարգմանությունը՝ Էմմա Չոբանյանի
