08.09.2026 | 13:18
Քոչարյանի հետ կապվող բրենդային խանութում 9,46 մլրդ դրամի թաքցված շրջանառություն է բացահայտվել․ ՊԵԿ․ ՏԵՍԱՆՅՈՒԹ
ՌԴ Վորոնեժի մարզում երկաթուղային գծերի վրա պայթյուն է տեղի ունեցել
Քաղաքականություն
05.06.2025 | 13:13
ՌԴ Վորոնեժի մարզում երկաթուղային գծերի վրա պայթյուն է տեղի ունեցել։ Այս մասին հայտնում են Baza տելեգրամ ալիքը և «Вести Воронеж»-ը, փոխանցում է Meduza-ն։
Պայթյունը տեղի է ունեցել Եվդակովո-Սագունի հատվածի 725-րդ կիլոմետրում: Baza-ի տվյալներով՝ պայթյունը վնասել է երկաթուղային գծերը։ Ըստ «Вести Воронеж»-ի`գնացքների երթևեկությունը մի ուղղությամբ դադարեցվել է։ Նախնական տեղեկությունների համաձայն՝ տուժածներ չկան։
Վորոնեժի նահանգապետ Ալեքսանդր Գուսևը հայտարարել է, որ երկաթուղու այդ հատվածում մի քանի գնացքներ կանգնեցվել են, քանի որ դրանցից մեկի մեքենավարը «նկատել է գծերի աննշան վնասը»։
«Տուժածներ չկան։ Արտակարգ իրավիճակների ծառայություններն արդեն պարզում են միջադեպի պատճառը, նրանց ներկայացուցիչները տեղում են»,- ասել է նահանգապետը։
Մայիսի 31-ի երեկոյան և հունիսի 1-ի առավոտյան էլ Բրյանսկի և Կուրսկի մարզերում կամուրջներ էին պայթեցվել։ Յոթ մարդ զոհվել էր, հարյուրից ավելին՝ վիրավորվել։
Ռուսաստանի Դաշնության քննչական կոմիտեի ղեկավար Ալեքսանդր Բաստրիկինը հայտարարել է, թե քննչական կոմիտեի մասնագետներն ապացույցներ են հավաքել, որ Կուրսկի և Բրյանսկի մարզերում կամուրջների պայթեցման հետևում կանգնած է Ուկրաինան։
Թարգմանությունը՝ Էմմա Չոբանյանի
